Економија
Граѓаните сè повеќе штедат во денари – заштедите достигнуваат речиси 3,5 милијарди евра
Банките натежнале од пари на фирмите и граѓаните. Ова го покажува најновиот извештај на Народна банка на Македонија за февруари оваа година, објавени на веб страната на таа институција.
На крајот на вториот месец од годинава, во домашните банки се чувале 9,78 милијарди евра пари на граѓаните и на компаниите. Тоа се вкупните депозити на корпоративниот сектор и на населението заклучно со февруари, што покажува дека вкупната депозитна база на нашите банки се доближува до 10 милијарди евра.
А, во однос на еден месец претходно, кај вкупните депозити има раст од 41 милиони евра.
Но, за анализа е многу поинтересна состојбата на штедните влогови, односно депозитите на населението.
Тие говорат дека граѓаните во земјава и натаму преферираат да штедат во банка, бидејќи на нив отпаѓа најголемиот дел од месечниот февруарски раст на вкупните влогови, додека, пак, кај депозитите на компаниите, има дури и благо намалување на сумата во февруари.
На крајот на февруари годинава граѓаните во банка чувале вкупна сума од 6,517 милијарди евра. Оваа бројка се движи со голема брзина, бидејќи не така одамна пишувавме дека граѓанските депозити се доближуваат до психолошката граница од 5 милијарди евра, а сега веќе тие го надминаа вкупниот износ од 6,5 милијари евра. Еден месец, претходно, пак, во јануари, граѓаните во банка чувале вкупно 6,468 милијарди евра. Тоа значи дека само во февруари растот на граѓанските депозити изнесува 49 милиони евра, откако пораст имало и во јануари во однос на крајот од претходната година.
Значи, наспроти акциите, обврзниците, крипто валутите и слични можности за инвестирање, вложувањето пари во банка продолжува да биде еден од најсаканите начини за инвестирање на слободните пари на граѓаните.
А, пари во банките вложуваат и инвестициските фондови, како начин за дисперзија на ризикот наспроти малку „похрабрите“ и понеизвесни инвестиции.
Она што исто така радува, тоа е дека расте вложувањето на домаќинствата во домашната валута. Тие во февруари опасно се доближиле до прагот од 3,5 милијарди евра, или прецизно, биле на ниво од 3,498 милијарди евра. Во однос на јануари растот е за дури 42 милионои евра, што значи дека овој раст на денарските депозити го сочинува клучниот дел од зголемувањето на вкупните „домаќински“ штедни влогови.
Една од причините за многу побрзиот раст на денарското штедење е фактот што кај него се многу поатрактивни каматните стапки, наспроти оние што банките ги исплаќаат на девизните депозити.
Граѓанските заштеди во евра, пак, во јануари веќе го надминале психолошкиот праг од три милијарди евра. Или, ако на крајот на декември лани штедните влогови на домаќинствата во странска валута изнесувале 2,998 милијарди евра, тие во јануари се искачиле на 3,012 милијарди денари, а во февруари дошле до 3,019 милијарди, што е скромен месечен раст од 7 милиони евра.
Економија
Граѓаните и бизнисите во банките чуваат 9,7 милијарди евра, но колку изнесува нивниот долг?
Граѓаните и во март продолжиле со активно задолжување, најмногу за станбени и потрошувачки кредити, каде што забележан е раст од 1,6% за станбените и 1,0% за потрошувачките. На годишна основа, овие кредити пораснале за 13,9% и 9,2% соодветно.
Според последните податоци на Народната банка, граѓаните и корпоративниот сектор во март имале вкупни депозити од 9,7 милијарди евра, додека нивниот долг кон банките изнесувал 8,2 милијарди евра.
Во однос на растот на депозити и кредити на годишно ниво, и депозитите и кредитите покажале сличен тренд. Депозитите пораснале за 12,7%, додека кредите за 12,3%.
Растот на депозитите бил забележан и во двата сектора, со поголем придонес од страна на домаќинствата, додека кај кредитите поголем придонес имал корпоративниот сектор.
Во март, вкупните депозити забележале месечен раст од 0,6%, додека кредите се зголемиле за 1,0%.
Кога станува збор за задолжувањето на граѓаните, продолжува најголемиот раст кај станбените и потрошувачките кредити, кои покажале раст од 1,6% месечно, а на годишна основа зголемувањето било 13,9% и 9,2% соодветно.
Меѓутоа, автомобилските кредити паднале за 1,1% во март, но на годишно ниво пораснале за 3,4%. Кредитите одобрени на кредитни картички се намалиле за 0,8% на месечно ниво, додека на годишно ниво падот изнесува 9,0%.
Негативните салда на тековните сметки се зголемиле за 5,1% месечно, додека на годишно ниво паднале за 2,4%. Кредити одобрени на други основи паднале за 0,3% месечно и 8,2% на годишна основа.
Министерката за финансии Гордана Димитриеска – Кочоска оствари средба со претставници на домашната бизнис заедница, нагласувајќи дека креирањето на економските политики ќе продолжи да се базира на двонасочна комуникација и активно учество на сите засегнати страни.
По обраќањето пред германските инвеститори кои веќе работат во Македонија, Димитриеска – Кочоска се сретна со претседателите на трите највлијателни стопански комори во земјата – Бранко Азески од Стопанската комора, Трајан Ангеловски од Сојузот на стопански комори и Менди Ќура од Стопанската комора на северозападна Македонија.
„Градиме партнерски однос со целата бизнис заедница – и со домашните и со странските компании. Политиките кои ги креираме се резултат на инклузивен процес. Само таквите мерки може да донесат вистински резултати и придобивки за сите“, изјави министерката.
Оваа средба е дел од пошироката стратегија на Министерството за финансии за продлабочување на соработката со приватниот сектор, како и за обезбедување економска стабилност и предвидлива деловна клима.
Подготвен врз основа на официјалните податоци од Македонска берза од Илирика Инвестментс АД Скопје.
Скопје, 17 април 2025 година – Македонската берза денес го заврши тргувањето со вкупен промет од 2.998.589 денари. Индексот МБИ10 забележа значителен пад од 0,94%, достигнувајќи вредност од 10.175,12 поени, што укажува на преовладувачки негативни движења на пазарот.
Динамика на тргување и пазарни движења
Берзата денес беше под влијание на изразен пад кај неколку водечки хартии од вредност, особено Комерцијална банка и Алкалоид, што значително придонесе за намалувањето на индексот МБИ10. Иако вкупниот промет беше понизок во споредба со претходните денови, одредени акции како Реплек и двете Стопански банки забележаа позитивни корекции.
1. НЛБ Банка АД Скопје (NLB) – промет од 1.625.500 денари, последна цена 58.500 денари, пораст од +0,09%
2. Комерцијална банка АД Скопје (KMB) – промет од 969.130 денари, последна цена 27.720 денари, пад од -3,11%
3. Алкалоид АД Скопје (ALK) – промет од 133.500 денари, последна цена 26.699 денари, пад од -2,17%
1. Стопанска банка АД Битола (STBB) – пораст од +2,99%, последна цена 3.450 денари
2. Стопанска банка АД Скопје (STB) – пораст од +2,99%, последна цена 2.437 денари
3. НЛБ Банка АД Скопје (NLB) – пораст од +0,09%, последна цена 58.500 денари
1. ТТК Банка АД Скопје (TTK) – пад од -5,29%, последна цена 1.700 денари
2. Комерцијална банка АД Скопје (KMB) – пад од -3,11%, последна цена 27.720 денари
3. Алкалоид АД Скопје (ALK) – пад од -2,17%, последна цена 26.699 денари
Индексот ОМБ остана непроменет, на ниво од 124,40 поени, без реализирани значајни трансакции со државни или корпоративни обврзници.
Берзанскиот ден на 17 април 2025 беше под силно влијание на негативното движење кај неколку клучни компании. Водечките акции како Комерцијална банка и Алкалоид имаа значителен пад, што ја повлече и целокупната пазарна перформанса надолу. Од друга страна, умерен позитивен сигнал дојде од Стопанска банка Скопје и Битило како и НЛБ Банка. Инвеститорите и понатаму остануваат претпазливи, додека се чекаат стабилизирачки движења на пазарот.
-
Македонија6 days agoУпасени се Шабан Салиу, Ваљон Сарачини, Беким Незири – проширена истрагата за пожарот во Кочани
-
Магазин4 days agoВака се оди на гости: Спасен Силјановски ги изненади Татјана и Новица во Австралија [ВИДЕО]
-
Црна Хроника6 days agoСемејна драма во Тетовско: Зет упаднал во куќа и почнала жестока тепачка!
-
Магазин4 days agoОва е првиот знак дека во телото ви се формирал тробм! Никако не смеете да го игнорирате
-
Црна Хроника3 days agoГолема акција на полицијата утринава – Се вршат претреси на повеќе локации
-
Магазин5 days agoРастурам свадби за 500 евра, распродаден сум до ноември
-
Скопје5 days ago(Видео) Граѓани со часови се заглавени во подземниот паркинг на ГТЦ оти автоматите за наплата не работат, а службите се отстутни
-
Црна Хроника7 days agoИнцидент на работно место во Тетово – жена пријавила закани и агресија, полицијата постапува