Спорт

Седмата носителка во маратонски меч поуспешна од Ѓорческа во Мурска Собота

По успешниот настап и полуфиналето на ИТФ фјучрсот во Марибор претходната недела, најдобрата македонска тенисерка Лина Ѓорческа оваа недела беше пријавена за настап на уште еден турнир од истиот ранг W75 со награден фонд од 60.000 долари. Сепак во денешниот меч од првото коло седмата носителка Мано Леонар од Франција оствари победа од 2-1 во сетови (67(4) 75 62) за два часа и 49 минути игра.

Почетокот на мечот и припадна на ривалката која поведе со 3:0 во гемови во првиот сет, но македонската тенисерка успеа да стигне до изедначување од 3:3. Во 10.тиот гем Ѓорческа успеа да спаси и сет топка, а потоа во тај брејкот по 3:3 на поени со серија од 4-1 стигна до водство од 1-0 во сетови. На стартот од вториот сет имаше по два брејка за секоја од тенисерките, а по 3:3 во гемови повторно имаше пет брејка и Французинката Леонар поведе со 6:5, а потоа го доби гемот на свој сервис за 1-1 во сетови. Во решавачкиот сет по 2:2 во гемови по 12 одиграни поени го загуби гемот на свој сервис и противничката поведе со 3:2 во гемови, а до крајот имаше серија од три гема за 6:2 во тертиот сет и 2-1 во сетови.

Со полуфиналето на претходниот турнир во Марибор, Лина Ѓорческа освои 29 поени, а следната недела ја очекува настап на турнир во Франција во градот Нант.

Настап оваа недела на ИТФ фјучрс W15 во египетскиот град Шарм Ел Шеик имаше и Магдалена Стоилковска. Таа не успеа да се пласира во главниот турнир откако денеска во финалето од квалификациите загуби од Марија Шмакова од Русија со 2-0 во сетови (63 61). Во првиот меч од квалификациите постигна победа од 2-0 (62 62) против Милана Цулигина од Русија.

Двете тенисерки заедно со Ана Митевска и Јана Божиновска се пријавени за настап за македонскиот национален тим во Били Џин Кинг купот. Македонија се натпреварува во Втората Евро-африканска зона. Мечевите оваа година ќе се играат во Ларнака, Кипар.

Спорт

Отворена продажбата на билети за квалификацискиот натпревар Велс – Македонија

Продажбата на билети за претстојниот квалификациски натпревар меѓу Велс и Македонија, кој ќе се одигра на 18 ноември во Кардиф, е веќе отворена и ќе трае до понеделник, 10 ноември, на полноќ.

Навивачите на македонската репрезентација своите билети можат да ги обезбедат онлајн преку платформата: https://eticket.ffm.mk

За македонските фанови се издвоени околу 1.500 билети, со цена од 2.800 денари, која е утврдена од страна на Фудбалската асоцијација на Велс, како организатор на натпреварот.

Македонија ќе настапи во Кардиф во рамки на новиот циклус квалификации, а поддршката од трибините се очекува да биде значајна, имајќи предвид дека во претходните гостувања македонската публика секогаш беше присутна во голем број.

Повеќе детали поврзани со патувањето и организацијата ФФМ ќе објави во наредните денови.

Спорт

ГРАДИМЕ СПОРТ, ГРАДИМЕ ИДНИНА! Министерството за спорт реализира 41 инфраструктурен проект во 22 општини

Министерството за спорт ја заокружува годината со значајни резултати во делот на спортската инфраструктура Реализацијата на капиталните проекти и вложувања во изградба, обнова и реконструкција на спортските објекти се еден од главните приоритети на Министерството за спорт во изминатите 16 месеци со јасна цел – создавање на современи и безбеди услови за спорт и рекреација во секоја општина низ државта.

Во рамките на оваа заложба, Министерството за спорт реализира 41 инфраструктурен проект во 22 општини.Изградени и реконструирани се над 30 мултифункционални спортски центри, целосно реконструирани се неколку спортски сали, а започна и постапката за изградба на три нови спортски сали – во Воената академија во Скопје, во општина Аеродром (кај ФФМ) и во Крушево.

Во изминативе месеци беше откочена постапката за повеќе капитани објекти – довршена беше изградба и беа пуштени во употреба базенот во општина Кисела Вода и во Штип, во завршна фаза е базенот кај салата „Наум Наумовски Борче“, а наскоро ќе бидат во функција и базените во Битола и во Кичево.

Министерот за спорт, Борко Ристовски, изрази задоволство од досегашната реализација и најави уште поинтензивна работа и нови проекти во следниот период.

-Горди сме на она што успеавме да го постигнеме во изминатиов период. Ветуваме уште повеќе работа и уште повеќе проекти – истакна Ристовски.

Видео материјалот што го проследуваме ги прикажува реализираните и отпочнатите инфраструктурни проекти и напредокот во спортската инфраструктура низ државата.

Видеото може да го погледнете тука

Спорт

Омерагиќ: Нови комплети и 230 топки за развој на женскиот фудбал

Фудбалската федерација на Македонија обезбеди нова спортска опрема и вкупно 230 фудбалски топки за 23 клуба кои се натпреваруваат во сите возрасни категории во женска конкуренција, информира претседателот на ФФМ, Масар Омерагиќ.

– На секој клуб му доделивме комплети за тренинг со цел да создадеме уште подобри услови за работа и напредок на младите фудбалерки низ целата држава – рече Омерагиќ.

Тој додаде дека со оваа поддршка ФФМ дава поттик за развојот на женскиот фудбал и ја потврдува својата заложба за унапредување на спортската инфраструктура и условите за тренинг на сите клубови.