Република

КОЊАНОВСКИ: ИНВЕСТИРАМЕ ВО ПОДОБРИ УСЛОВИ ЗА УЧЕНИЦИТЕ ВО БИТОЛА

Градоначалникот на општина Битола, Тони Коњановски, денес го посети средното медицинско училиште „Д-р Јован Калаузи“, каде со директорот Горан Талевски разговараше за тековните и идните инвестиции во училиштето.

„Нашата цел е да создадеме подобри услови за учениците и наставниците, а со овие проекти значително го подобруваме квалитетот на наставата,“ изјави Коњановски.

Реконструкцијата на спортската сала е една од најзначајните инвестиции, со вредност од 6.756.133 денари. Во рамки на овој проект, извршена е целосна замена на подот со професионален паркет, санирана е кровната конструкција, обновена е електричната инсталација и осветлувањето, а трибините се реновирани и обоени со фасадна боја.

Дополнително, целосно е реконструирана наставничката канцеларија, со нов инвентар во вредност од 535.000 денари.

Во насока на енергетската ефикасност, училиштето доби и фотоволтаичен систем од 72 модулни единици, со капацитет до 40 киловати, инвестиција вредна 1.416.000 денари.

„Продолжуваме со нови проекти во соработка со Министерството за образование и локалната самоуправа, со што ќе обезбедиме уште подобри услови за сите ученици во Битола,“ истакна Коњановски.

Република

Претрес во гостиварско, пронајден пиштол, приведено едно лице

На 13.11.2025 во 03:50 часот во с.Добридол, гостиварско, полициски службеници од Полициското одделение Галате го лишија од слобода А.Ш.(35) од с.Добридол. При претрес во неговиот дом, извршен со судска наредба, пронајден и одземен е пиштол „Екол“ со една празна рамка. Тој е задржан во полициска станица и по документирање на случајот против него ќе биде поднесена соодветна пријава.

Република

Проданоски стартува со приемни денови: Отворени врати за граѓаните

Градоначалникот на Општина Прилеп, Дејан Проданоски, го реализираше првиот приемен ден со граѓаните, каде што лично разговараше со голем број прилепчани. На средбите беа изнесени конкретни идеи, предлози и проблеми, за кои локалната самоуправа презеде обврска за навремено и реално решавање.

Проданоски истакна дека ова претставува почеток на нова, поотворена и потранспарентна пракса во функционирањето на Општината, која ќе продолжи и понатаму со исто темпо. Според него, секој глас и секоја иницијатива од граѓаните се значајни за подобрување на квалитетот на живот во Прилеп.

Градоначалникот ги охрабри сите жители кои имаат потреба или желба да предложат идеи за развој на локалната заедница да закажат средба на телефонскиот број 076 22 99 15 и да споделат свои ставови и предлози.

„Заедно градиме подобар Прилеп“, порача Проданоски.

Република

Гимназијата „Јосип Броз Тито“ од Битола го доби престижниот бренд Label France Education

Гимназијата „Јосип Броз Тито“ освои значајно меѓународно признание од француското Министерство за Европа и надворешни работи, во година кога училиштето одбележува две децении француско-македонски двојазични паралелки.

На јубилејната свеченост во Офицерскиот дом, францускиот амбасадор Н.Е. Кристоф ле Риголер го додели угледниот бренд Label France Education, со што гимназијата стана дел од мрежата на светски образовни институции кои нудат висококвалитетна франкофонска двојазична настава.

На настанот присуствуваше и градоначалникот на Општина Битола, Тони Коњановски, кој доби благодарница за неговата континуирана поддршка во унапредувањето на наставниот процес и развојот на образовните програми во училиштето.

Свеченоста беше збогатена со презентација на 20-годишното искуство и постигнувањата на гимназијата во интегрирањето на францускиот јазик во наставата, а присуствуваа и почесната конзулка на Франција, како и бројни претставници од образовниот, културниот и јавниот живот на Битола.