Connect with us

Македонија

Сопружници измамени за 824.000 денари, мислеле дека им се јавува адвокатка и ќе купат стан на лицитација, парите ги дале на рака

Брачна двојка измамена за над 800.000 денари од жена која се претставила како адвокат

Дваесет и четиригодишна жена пријавила во полиција дека таа и нејзиниот сопруг биле измамени од женско лице за сума од околу 824.000 денари.

Според пријавата, осомничената се претставила како адвокат и сопственик на фирма од Битола, уверувајќи ги дека може да им овозможи купување на стан кој наводно бил предмет на лицитација. Според договореното, тие требало да платат 30 отсто од вкупната вредност на станот, додека преостанатите 70 отсто, како што тврдеше таа, наводно требало да бидат покриени со државни средства.

Брачната двојка ѝ предала пари во три наврати – на неа и на уште едно лице, а покрај тоа доставиле и изводи од матичната книга на родените, како и копии од нивни лични карти.

Од Министерството за внатрешни работи информираат дека се преземаат мерки за целосно расчистување на случајот.

Advertisement

Македонија

ЛАБУНИШТА: Обновена фасадата на црквата „Свети Никола“

Во Лабуништа успешно заврши реконструкцијата на фасадата на помошните простории при Црквата „Свети Никола“. Со завршувањето на градежните активности, објектот доби модерен изглед и подобрени услови за користење.

Црковниот одбор изрази благодарност до мајсторите за нивниот професионален ангажман и квалитетно изведената работа.

„Со оваа реконструкција придонесуваме за уредување и зачувување на нашиот црковен имот, кој има големо духовно и историско значење за жителите христијани на Лабуништа. Благодарност до сите кои дадоа свој придонес во реализацијата на овој проект“, велат од одборот.

Обновата на фасадата е дел од континуираните напори за одржување и унапредување на инфраструктурата околу црквата „Свети Никола“.

Labunista.mk

Continue Reading

Македонија

МВР: Граѓаните да бидат внимателни и да не отвораат лажни електронски пораки во име на директорот на БЈБ

Министерството за внатрешни работи ја известува јавноста дека до неколку граѓани, од страна на сторители кои лажно се претставуваат во име на директорот на Бирото за јавна безбедност, се упатени лажни покани во врска со наводна тековна истрага. Во пораките се даваат насоки за 24 часа да се оди до полициска станица или да се испрати повратен е-маил бидејќи наводно примачот на пораката е предмет на кривични истраги за низа кривични дела, како што се детска порнографија, педофилија и трговија со дрога.

МВР ги известува граѓаните дека станува збор за лажни пораки кои не се испратени од страна на Бирото за јавна безбедност при МВР. Овие електронски пораки се класичен обид за измама во кој целта на измамниците е да дојдат до личните податоци на граѓаните, со цел нивна понатамошна злоупотреба. Покани до граѓаните за истражни постапки од страна на МВР не се испраќаат преку е-маил адреси.

Апелираме до граѓаните да не отвораат ваквите пораки, да не се контактира испраќачот и никако да не се споделуваат личните податоци кои ги бараат измамниците. Исто така, апелираме граѓаните да не ги отвораат линковите и датотеките кои се испратени во прилог на било која електронска порака која доаѓа од непознат испраќач, со цел заштита на вашиот компјутерски систем од малициозен софтвер.

Continue Reading

Македонија

Пендаровски со остра реакција: Изјавите на Фрчковски се одлепени од реалноста

Поранешниот претседател на Република Македонија, Стево Пендаровски, реагираше на изјавата на Љубомир Фрчковски дадена во емисијата „Во Центар“, во која неговото име беше споменато во негативен контекст.

„Изјавата е проблематична минимум на две нивоа: македонската јавност добро знае дека во моето 30-годишно бавење со јавните работи никогаш не сум ‘мешетарел’ како многу други во чии кариери нема ништо друго освен задкулисни маневри и кафеанско озборување“, наведува Пендаровски.

Тој додава дека многу поголем проблем е, како што вели, „целосната одлепеност од реалноста и фактите“.

„За жал, тоа се случува кај некои луѓе поради ‘квалитетот’ на изворите со кои се дружат“, порача Пендаровски во својата реакција.

Continue Reading
Advertisement

Advertisement

Advertisement
Advertisement

Advertisement

Advertisement

Advertisement

Advertisement

Advertisement

Advertisement

Трендинг