СВР Куманово поднесе кривична пријава против М.А.(43) од Куманово и М.И.(41) од с.Липково, општина Липково, поради постоење основи на сомнение дека сториле кривично дело „несовесно работење во службата“ по член 353-в од Кривичниот законик.

М.А. – вработена на работно место помлад референт за управни работи во Отсек за управни работи Куманово, на 30.08.2017 примила барање за издавање на патна исправа поднесено од Х.Ј.(50) од Косово, по што во системот, во задолжителниот дел за потполнување од приложена важечка лична карта или друг важечки јавен документ во графата ја внела само таксата, без нитуи еден личен податок.

Потоа, извршила фотографирање за издавање на патна исправа на лицето Х.Ј.(50) од Косово без приложен важечки личен документ за идентификација со внесување и искористување на податоци на идентитет од друго лице и на тој начин му овозможила да се стекне со лажен идентитет и патна исправа од РСМ.

Додека пак, второпријавената М.И., вработена на работно место помлад советник за управни работи во Отсек за управни работи Куманово, пропуштила да изврши должен надзор и на тој начин извршила повреда на законските прописи за издавање на патна исправа. На 30.08.2017, таа го одобрила барањето за изготвување на патна исправа за лицето Х.Ј. со внесени податоци од идентитет на друго лице.

На 11.05.2025 во 19.00 часот во Кавадарци, полициски службеници од ОВР Кавадарци го лишиле од слобода Ѓ.П(23) од Кавадарци затоа што кај него биле пронајдени и одземени зелена тревкаста и бела прашкаста материја.

Подоцна, по добиени оперативни сознанија дека дрогата ја купил од Т.С.(41) од Кавадарци, на 12.05.2025 со судска наредба бил извршен претрес во домот и помошни простории на Т.С., при што била пронајдена и одземена зелена тревскаста материја, по што и тој бил лишен од слобода.

Ѓ.П и Т.С. биле задржани во полициска станица, известен бил јавен обвинител и по документирање на настанот, против нив ќе биде поднесена кривична пријава по член 215 од Кривичниот законик.

Здравствената состојба на Панчо се подобрува секојдневно, се надеваме дека наскоро ќе биде пуштен на домашно лекување, за „Фокус“ открива близок соработник на дуото ДНК, чиј член Владимир Блажев Панчо речиси два месеца е хоспитализиран, по пожарот во Кочани.

– Физичките рани ќе заздрават, но душата на Панчо, и на сите кои изгубија свои блиски во пожарот, вечно ќе им гори. Никој ниту сакал, ниту пак можел да претпостави дека вакво нешто може да се случи. За жал, времето не може да се врати назад, вели соговорникот за Фокус.

И други блиски соработници на Панчо од естрадниот свет со кои разговаравме, велат дека се уште се занемени од трагедијата и само се надеваат Панчо што побргу да се врати во својот дом, и да собере сили да продолжи со животот. Додаваат дека се свесни како никогаш животот нема да биде ист, ниту за Панчо, ниту пак за било кој што изгубил близок во пожарот, а поради сензитивноста на случајот, не сакаат да зборуваат јавно.

Прочитај повеќе на Фокус