Валерија Маркез им се обраќаше на своите следбеници на „ТикТок“ во живо од нејзиниот салон за убавина во мексиканскиот град Запопан кога некој ѝ затропа на вратата и ѝ достави мал пакет.

„Тоа е мало прасе!“ извика 23-годишната Маркез додека ја отвораше плишената играчка со насмевка, фрлајќи ја својата долга руса коса преку рамената, како што објави CNN.

Но, само неколку моменти подоцна, сцената се претвори во трагедија – инфлуенсерката беше пронајдена мртва, згрчена на столот, додека крвта се лееше по масата, а преносот продолжи, сè додека некој не ѝ го зел мобилниот телефон.

Според информациите од канцеларијата на државниот обвинител на Халиско, Маркез била убиена од маж кој влегол во нејзиниот салон, а случајот се третира како фемицид.

Нејзината смрт, како јавна личност со повеќе од 100.000 следбеници на Инстаграм, предизвика шок во земјата, која веќе со години се соочува со високи стапки на насилство и убиства на жени.

На 14.05.2025 околу 22:20 часот во СВР Скопје било пријавено дека на регионалниот пат Драчево-Катланово, во атар на с.Морани, скопско, патничко возило „фолксваген бора“ со скопски регистарски ознаки, управувано од С.Ј.(27) од с.Студеничани, скопско, удрило во рефлектирачко столбче на патот, ограда и во бандера која паднала врз возилото.

Од здобиените повреди на местото на настанот починал возачот, а лекар од Итната медицинска помош констатирал смрт.

Додека со тешки телесни повреди се здобил неговиот сопатник Џ.Т.(22) од с.Студеничани, скопско, констатирани во Градската општа болница „Св.Наум Охридски“ во Скопје.

По наредба на јавен обвинител, телото на починатиот било дадено на обдукција, а увид извршила увидна екипа на СВР Скопје.

Вчера во 7:13 часот во полициската станица во Прилеп бил пријавен сериозен инцидент во кој, според пријавата, била фрлена експлозивна направа во двор на куќа на улицата Никола Каранџулов во Прилеп.

Случајот го пријавил 49-годишниот М.В. од Прилеп, кој информирал дека по фрлањето на експлозивната направа настанал пожар и била предизвикана материјална штета, поточно оштетување на фасадата на објектот.

На местото на настанот излегле полициски службеници и увидна екипа од ОВР Прилеп, а за инцидентот бил известен и јавен обвинител.

Во тек се мерки за целосно расчистување на случајот.