Ливерпул го донесе првото засилување по желба на Слот – пристигнува Жереми Фримпонг за 35 милиони евра

Актуелниот шампион на Англија, Ливерпул, веќе го започна летниот преоден рок со силен потег – клубот ја активираше откупната клаузула вредна 35 милиони евра за Жереми Фримпонг, бекот на Баер Леверкузен.

Новото засилување е и првото исполнето барање на новиот менаџер Арне Слот, кој по заминувањето на Трент Александер-Арнолд, инсистираше на квалитетна замена на десната бековска позиција. Раководството на „црвените“ реагираше експресно и го договори трансферот на 23-годишниот Холанѓанец.

Фримпонг е познат по својата брзина и офанзивна игра, а освен што може да покрие дефанзивни задачи, често се вклучува и во нападот, што го прави идеален играч за фудбалската филозофија на Слот. Во сезоната што измина, тој одигра 48 натпревари за Леверкузен, при што постигна пет голови и запиша 12 асистенции – бројки кои потврдуваат дека Ливерпул добива повеќенаменски фудбалер со сериозен потенцијал.

Фримпонг ќе биде значаен адут во новата ера на „Енфилд“, каде Слот гради тим способен да ја задржи доминацијата и на домашната и на европската сцена.

Раул Асенсио од Реал Мадрид под истрага: Се соочува со можност за петгодишна затворска казна

Шпанскиот фудбал и навивачите на Реал Мадрид се потресени од веста дека младиот дефанзивец Раул Асенсио (22) е под истрага поради сериозни обвиненија за дистрибуција на детска порнографија. Судските власти во Шпанија веќе покренаа кривична постапка против него и тројца поранешни соиграчи од младинскиот тим на клубот.

Според информациите, Асенсио е осомничен дека нарачал видеоснимки направени во 2023 година, на кои се гледаат неговите соиграчи Феран Руиз, Андрес Гарсија и Хуан Родригез како имаат сексуални односи со девојка (18) и малолетничка (16). Наводно, овие снимки биле споделувани преку мобилната апликација WhatsApp, што довело до сомневање за незаконска дистрибуција на материјал со малолетници.

Судскиот извештај посочува дека двете девојки покажуваат симптоми на посттрауматско стресно нарушување, а дополнителни вештачења ќе утврдат дали има основа за формално обвинение. Доколку се потврди вината, Асенсио и неговите поранешни соиграчи би можеле да се соочат со затворски казни од три и пол до пет години – како што е предвидено со член 197 од Кривичниот законик на Шпанија.

Судијата кој ја води истрагата навел дека постојат доволно докази за прекршување на правото на приватност, неовластено дистрибуирање на интимни снимки, како и за понуда и поседување детска порнографија.

Инаку, член 197 од Кривичниот законик на Шпанија наведува дека секое лице прогласено за виновно за снимање и делење експлицитно видео со малолетник ќе се соочи со затворска казна од три и пол до пет години.

Актуелниот бранител на шампионскиот трофеј, екипата на МЗТ Скопје Аеродром направи уште еден, втор чекор на пат кон големото финале на плеј-офот и одбрана на титулата во Првата македонска кошаркарска лига.

Скопските „сино-бели“ беа уште еднаш подобри од кумановските, кои оставија многу подобар впечаток во СЦ „Јане Сандански“, но не го изненадија фаворизираниот тим од Аеродром (82:76).

Кај победникот Едвин реализираше 22 поени, потоа 12 запиша Крстевски, а уште 10 додаде Андоноски, кој успешно го замени недоволно закрепнатиот Маслинко.

Во гостинската екипа, Димитриевски имаше 22 поени поени, Радукиќ го следеше со 17, додека Петровиќ забележа 14.