Република
Апелација ги зголеми казните на дел од обвинетите за „Ласкарци“, по 10 години затвор за сопственикот и одговорниот во „Дурмо турс“
Апелациониот суд Скопје ги одби како неосновани жалбите на дел од обвинетите за случајот „Ласкарци“ кој се однесува на автобуската несреќа што се случи во 2019 година во која загинаа 16 патници, а над 30 беа повредени, додека делумно ја уважи жалбата на Основното јавно обвинителство Скопје, на начин што им ги зголеми казните затвор на сопственикот на компанијата „Дурмо турс“, обвинетиот Дурмиш Белули од четири на десет години, на одговорниот за транспорт во фирмата, Ремзи Мифтари од шест на десет години, и од пет на по седум години казна затвор на двајцата вработени во станицата за технички преглед, Игор Ѓорѓиевски и Горан Дуковски.
Казните на третиот вработен во станицата за технички преглед Јане Боваровски и на возачот на автобусот, Маноил Трифуновски остануваат исти, пет и 14 годни казна затвор.
Јавната седница во Апелација се одржа на 2 април годинава, а по спроведено советување и гласање на нејавен дел од седницата на ден 17.04.2025 година, судот донесе пресуда со која, како што информира, ги одби како неосновани жалбите на сопственикот на компанијата „Дурмо турс“, обвинетиот Дурмиши Белули, како и на тројцата вработени во станицата за технички преглед Игор Ѓорѓиовски, Горан Дуковски и Јане Боваровски, а делумно ги уважи жалбите на одговорниот за транспорт во фирмата, обвинетиот Ремзи Мифтари и возачот на автобусот Маноил Трифуновски.
Апелација делумно ја уважи жалбата на Основното јавно обвинителство Скопје.
-Пресудата на Основниот кривичен суд Скопје ја преиначи према обвинетите Д.Б.од с.Б.Г, И.Г.од Г., Г.Д. од Г., Ј.Б од Г. во делот на кривичната санкција, за обвинетиот Р.М. од с.Ч, Г по однос на засметувањето на мерката куќен притвор во изречената казна и висината на истата и за обвинетиот М.Т од Г. по однос на засметувањето на мерката куќен притвор во изречената казна и се осудуваат и тоа: обвинетиот Д.Б.од с.Б.Г на казна затвор во траење од 10-десет години; обвинетиот Р.М од с.Ч.Г. на казна затвор во траење од 10-десет години, обвинетиот И.Ѓ. од Г. на казна затвор во таење од 7-седум години; обвинетиот Г.Д. од Г. на казна затвотр во траење од 7-седум години и обвинетиот М.Т. од Г. на казна затвор во траење од 14- четиринаесет години, се вели во соопштението од Апелација.
Истовремено под став II од одлуката, со решение се уважени жалбитe на оштетените по однос на решението за трошоци кое овој суд го укина и предметот во тој дел го врати на повторно постапување пред првостепениот суд.
-Жалбите на оштетените по однос на одлуката за имотно правно барање ги отфрли како недозволени, согласно член 411 став 4 од Законот за кривична постапка, стои во соопштението од Апелација.
Одлуката со образложени причини за истата, согласно Законот за управување со движењето на предметите во судовите, ќе биде објавена во целост и достапна на веб страната на судот.
Во пресудата, што беше објавена лани во јануари, обвинетите беа прогласени за виновни и добија вкупно 39 години затвор.
На обвинетиот Дурмиш Белули, сопственик на компанијата „Дурмо турс“, му беше изречена казна затвор од четири години, на одговорниот за транспорт во фирмата, Ремзи Мифтари казна затвор од шест години, а на тројцата вработени во станицата за технички преглед, Игор Ѓорѓиевски, Горан Дуковски и Јане Боваровски, кои се товарат за соучество во истото дело, им изрече затворска казна од по пет години. Најголема казна затвор од 14 години доби возачот на автобусот, Маноил Трифуновски. Воедно, на обвинетите им беше изречена и забрана за вршење професија и должност во времетраење од пет години.
Според пресудата, обвинетите Дурмиш Белули и Ремзи Мифтари не се придржувале кон безбедносните прописи, дозволувајќи технички неисправен автобус да учествува во сообраќајот, што предизвикало опасност за животот на патниците. Тројцата вработени во станицата за технички преглед, Игор Ѓорѓиевски, Горан Дуковски и Јане Боваровски, дозволиле автобусот да помине на технички преглед и покрај неисправностите. Возачот Маноил Трифуновски, свесен за неисправноста на возилото, го управувал автобусот со 55 патници и удрил во металната ограда поради невнимание.
Процесот во Основниот Кривичен суд Скопје го водеше судијката Диана Груевска Илиевска, а застапник на обвинението е обвинителот Дарко Јакимовски.
Претседателот на Фудбалската федерација на Македонија Масар Омерагиќ, заедно со претставници од ФФМ, денес ја посетија Битола и извршија увид во состојбата на стадионот „Петар Милошевски“, со цел да се исполнат условите на УЕФА, за одигрување на меѓународен натпревар за селекциите до 21 година, помеѓу Македонија и Италија.
За одигрување на ваков натпревар од меѓународен ранг, потребно е да се извршат подготовки и да се исполнат критериуми за добивање на лиценца од комисија на УЕФА. Градоначалникот Тони Коњановски и претседателот Масар Омерагиќ, разговараа околу подготовките и преземањето на обврските од страна на општината и од ФФМ, со цел Битола да биде претставена во најдобро светло. На 9 септември, Битола треба да биде домаќин на натпреварот Македонија – Италија, за фудбалери до 21 година.
По увидот на терен, претседателот на ФФМ ја посети општина Битола, каде што со градоначалникот разговараа за успесите во спортот на битолските екипи, успесите во училишниот спорт и условите за развој на училишниот спорт, во кои општината постојано инвестира. Градоначалникот посочи дека на последниот јавен повик од страна на Владата, општината аплицираше за изградба на 3 спортски училишни сали и 9 спортски игралишта во училиштата.
Во знак на добрата соработка, Омерагиќ му подари на градоначалникот Коњановски репрезентативен фудбалски дрес со негово име, кое го носи бројот 9.
Инвестициите во наставно-образовниот процес во битолските училишта е една од најважните столбови во програмата за работа на локалната самоуправа. Во изминатите три и пол години, почнувајќи од 2022 година, вложувањата во капитални инвестиции, како и во опремата и одржувањето на основните и средните училишта, од страна на општината, МОН, како и преку различни проекти и донации, изнесува 607.278.334,00 денари.
За капитални инвестиции, од 2022 година до сега, инвестирани се 413.138.833,00 денари во образовните институции. Од нив, дел се аплицирани преку повикот од Владата, за изградба на 9 училишни спортски терени, 4 спортски сали во училиштата и реконструкција на објект наменет за образование во нас. Буковски ливади.
За опремувањето по различни основи, како што се материјалите, мебелот, спортската опрема итн, издвоени се 21.915.730,00 денари.
Во 10 објекти, односно во 7 основни и 3 средни училишта, поставени се фотоволтаици во вредност од 11.223.771,00 денари.
За тековните одржувања во училиштата, издвоени се околу 161.000.000,00 денари, во изминатиот период од 2022 година.
Училиштата имаат сопствени побарувања во однос на тековните обврски, кои што не го загрозуваат тековниот процес на работа.
Локалната самоуправа, преку ваквите инвестиции, уште еднаш потврдува дека продолжува да биде поддршка за воспитно образовните институции, со цел заедничко создавање на квалитетни услови за изведување на наставно-образовниот процес.
Република
Трае штрајкот со глад во струшкиот затвор: „Ќе продолжиме се додека не ни се вратат договорите за работа“
Втор ден штрајк со глад на дел од затворениците во затворот во Струга. 13 затвореници започнаа со штрајк поради тоа што, како што велат, им биле прекинати договорите за работа надвор од просториите на затворот. Првично тие изјавија дека раководството на затворот ги информирало дека освен прекинот на шестмесечните договори за работа, им се укинува и правото на викенд. Сепак, по интересирот на ТВ21, тие појаснија дека директорот ја сменил изјавата и рекол дека е прекината само можноста за работа надвор од затворот. Затворениците истакнуваат дека ќе продолжат со штрајкот се додека не им се вратат договорите за работа, кои според нив, им се гарантирани со закон.
„Продолжуваме со штрајкот со глад. Засега сме добро и немаме здравствени проблеми. Денес не дојде ниту еден лекар да нè прегледа и немавме средба со директорот. Штрајкот ќе го продолжиме сè до остварување на нашите права што ни следуваат по закон“, вели еден од затворениците.
По започнувањето на штрајкот, затворот го посети зам.народниот правобранител, Лубер Руфати. По посетата, тој изјави дека се преземени сите неопходни мерки за да се обезбеди благосостојба на затворениците кои штрајкуваат.
„Разговаравме со медицинскиот тим за здравствената состојба на затворениците кои штрајкуваат, разговаравме со сите и ни беше предадена и потпишаната изјава за штрајкот на затворениците. Ја следиме ситуацијата одблиску и се преземаат потребните мерки“, рече Руфати.
Директорот на затворот во Струга, Ардит Мустафај, за ТВ21 изјави дека договорите за работа се прекинати затоа што затворениците не го почитувале работното време.
-
Магазин7 days agoСопругата на Андреј од ДНК со тажна објава од која на многумина ќе им се насолзат очите (фото)
-
Црна Хроника4 days agoОва е излетаното БМВ со кое побегнал убиецот од Штип! (ВИДЕО)
-
Црна Хроника3 days agoДете се отруло од алкохол во Тетово, во неконтактибилна состојба однесено во болница
-
Република4 days agoЦело село во мрак! Утре ќе нема струја во ова тетовско село – еве кога и зошто
-
Република5 days agoТетовци, подгответе се: Утре неколкучасовен мрак низ градот поради планирани исклучувања
-
Македонија2 days agoПОЛИЦАЕЦ ПРИ СООБРАЌАЈНА КОНТРОЛА ОБЉУБИЛ ДЕВОЈКА ВЛЕГУВАЈЌИ Ѝ ВО КОЛА, Ѝ РЕКОЛ „ЈАС МОРА ДА ПИПНАМ“
-
Црна Хроника6 days agoГолема полициска акција: Приведени киднапери и насилници од Тетовско
-
Црна Хроника3 days agoЕКСКЛУЗИВНИ ИНФОРМАЦИИ на ТВ Стар: Турскиот убиец во Штип дошол од Адана специјално за крвна одмазда