Свет

Џеј Ди Венс ги откри скандалозните барања на Русија

Венс: Русија бара територии што не ги контролира, Белата куќа фрустрирана од недостигот на напредок

Потпретседателот на САД, Џеј Ди Венс, изјави дека Русија побарала делови од украинска територија кои ги нема под своја контрола, во рамки на мировните преговори. Изјавата доаѓа во момент кога Белата куќа сè појасно ја изразува својата фрустрација од Москва поради отсуството на напредок кон прекин на војната.

„Русија не може да очекува да ѝ се даде територија што сè уште не ја освоила. Тоа беше дел од нивниот почетен мировен план“, изјави Венс во интервју за „Фокс њуз“, пренесува „Политико“.

Оваа негова изјава е во линија со ставовите што ги изнесе на состанокот на лидерите во Минхен, одржан во Вашингтон во средата. Таму посочи дека Москва „бара премногу“ и дека веројатно ќе мора да направи отстапки.

Сепак, во интервјуто за „Фокс њуз“, Венс додаде дека ваквите високи барања од страна на Русија не се неочекувани, бидејќи Кремљ верува дека е во предност на теренот.

„Знаевме дека првата понуда од Русите ќе биде преголема, знаевме дека ќе бараат повеќе од она што е разумно. Така често функционираат преговорите. Тоа не ме загрижува. Но, би ме загрижило ако утврдиме дека Русите не преговараат искрено“, рече Венс.

Тој додаде дека, доколку се покаже отсуство на искрена намера од руската страна, Белата куќа би се повлекла од својата посредничка улога.

Иако претседателот Доналд Трамп во почетокот ја насочи критиката кон Украина во своите обиди за посредување, во последните недели сè повеќе ја изразува својата разочараност од недостигот на сериозен ангажман од Москва. Во април дури се запрашал дали рускиот претседател Владимир Путин го „искористува“, сигнализирајќи можност за нови санкции.

Во четвртокот, преку платформата „Truth Social“, Трамп повика на идеално 30-дневно примирје меѓу двете земји, со закана за дополнителни санкции доколку тоа не се почитува.

Од друга страна, Венс потенцира дека Белата куќа е фокусирана на долгорочно решение.

„Фактот што Русите воопшто понудија мировен план е чекор напред. Фактот што и Украинците предложија конкретни мерки е исто така позитивно. Но, сè уште не сме дојдени до точката каде двете страни се навистина блиску. Ќе продолжиме да работиме на тоа – освен ако не заклучиме дека понатамошен напредок е невозможен“, заклучи Венс.

Свет

Кина изврши смртна казна врз поранешен директор за корупција

Кина го погуби Баи Тианхуи, поранешниот генерален директор на компанијата „Чајна Хуаронг Интернешнл Холдингс Лтд.“, осуден за примање мито во износ од 156 милиони долари. Егзекуцијата се изврши во градот Тјанџин по одобрување од Врховниот народен суд, јавува државната агенција „Синхуа“.

Со пресудата од мај 2024 година, Баи беше осуден на смрт, му беа одземени политичките права доживотно, а неговиот имот и нелегално стекнати профити беа конфискувани и вратени во државната каса. Врховниот суд го потврди решението на Вишиот народен суд Тјанџин, оценувајќи ги злосторствата на Баи како особено сериозни.

Баи имаше право на средба со своите роднини пред егзекуцијата, а неговата активност за примање мито се однесува на периодот од 2014 до 2018 година, кога незаконски стекнал 1,108 милијарди јуани (приближно 157 милиони долари).

Свет

Голема трагедија во Мароко: Спасувачи трагaат по преживеани под урнатините

Во населбата Ал Мостакбал ал Масира во округот Зуага, Фес, станбени згради се урнаа ноќта помеѓу 9 и 10 декември, при што голем број жители останаа заробени под урнатините, објави мароканската новинска агенција МАП.

Локалните власти ги повикаа граѓаните да се држат подалеку од нестабилни згради и да пријавуваат структурни оштетувања. Спасувачките екипи интензивно работат на расчистување на урнатините во потрага по преживеани, а на социјалните мрежи се појавија видеа од операциите.

Семејствата кои останаа без дом ќе добијат итно сместување и помош, додека загриженоста за безбедноста на постарите работнички населби во Фес повторно се зголеми. Уривањето на дотраени згради не е невообичаено во Мароко, што дополнително ја потенцира потребата од итни реконструкции.

Свет

Вашингтон на работ на преседан: во Конгресот поднесен закон за излез од НАТО

Републиканскиот конгресмен Томас Маси одлучно го крева гласот против долгогодишното учество на САД во Северноатлантската алијанса (НАТО), поднесувајќи сензационален предлог-закон во Претставничкиот дом со директно барање за повлекување на земјата.

Неговата иницијатива, именувана како „Закон за недоверливата организација“, не штеди зборови: НАТО е етикетирана како „реликвија од Студената војна“, бесцелна организација која го изгубила своето оправдување откако Советскиот Сојуз се распадна пред повеќе од три децении.

Кабинетот на Маси соопшти дека учеството во Алијансата ги чинело американските даночни обврзници трилиони долари. Конгресменот жестоко реагира:

„Нашиот Устав не санкционира континуирано учество во странски конфликти; нашите татковци-основачи предупредуваа против тоа. Америка не треба да биде заштитник на светот, особено кога богатите земји одбиваат да плаќаат за сопствената одбрана.“

Доколку оваа легислатива помине, американскиот претседател би бил обврзан во рок од само 30 дена да го извести НАТО за формалното повлекување на САД. Згора на тоа, законот строго би забранил користење на парите на американските даночни обврзници за финансирање на буџетите на Алијансата.

Истовремено, сопартиецот на Маси, сенаторот Мајк Ли од Јута, веќе го поднесе идентичниот предлог-закон и во Сенатот, најавувајќи двоен фронт против Алијансата.

Оваа иницијатива добива на тежина во светло на претходните изјави на поранешниот претседател Доналд Трамп, кој постојано се закануваше со повлекување на САД, критикувајќи го недоволното трошење за одбрана од страна на европските сојузници.

Иако земјите-членки, по неговите остри критики, се обврзаа на зголемување на трошоците за одбрана до 5 отсто од БДП до 2035 година, прашањето за напуштање на НАТО останува жешко.

За време на администрацијата на Џо Бајден, Конгресот одобри закон за забрана на повлекување на САД од НАТО од страна на кој било претседател. Сепак, како што алармира „Политико“, Трамп би можел да се обиде да ја заобиколи оваа забрана, повикувајќи се на своите широки претседателски овластувања во надворешната политика.