Свет

Бил Гејтс го обвини Маск дека ги “убива најсиромашните деца на светот”

Бил Гејтс, основачот на Microsoft, го обвини Илон Маск дека неговите постапки кон американската агенција за меѓународен развој (USAID) „ги убиваат најсиромашните деца во светот“.

Во интервју за Financial Times, Гејтс истакна дека Маск, преку т.н. „Оддел за ефикасност во владата“ (DOGE), речиси ја затвори USAID во февруари, замрзнувајќи грантови за хуманитарна помош и намалувајќи го персоналот од 10.000 на помалку од 300 вработени.

„Сликата на најбогатиот човек на светот како ги убива најсиромашните деца не е убава“, рече Гејтс. Според него, наглите сечења доведоа до тоа храна и лекови да скапуваат во магацини, а суданските кујни за бесплатни оброци останаа без ресурси. Маск, пак, наводно ги откажал грантовите верувајќи дека USAID испраќала кондоми за Хамас во Газа — но всушност, станувало збор за болница во покраината Газа, Мозамбик, која спречувала пренос на ХИВ од мајки на деца.

„Сакам да ги види децата инфицирани со ХИВ поради неговите постапки“, рече Гејтс. Тој дополни дека смртните случаи кај деца можат да се зголемат од 5 на 6 милиони годишно, освен ако нема промена.

Критиките дојдоа и покрај тоа што Гејтс објави дека неговата фондација ќе престане со работа до 2045 година, со цел да го забрза своето филантропско дејствување. Според критичарите, USAID и самата не е невина — таа често служи како алатка за спроведување на американската империјалистичка политика. Меѓутоа, Маск не се води од антиимперијалистички принципи. Неговите аргументи се мешавина од теории на заговор — од тврдење дека USAID создава „лажна реалност“ како во филмот „Труманс шоу“ до обвинувања дека агенцијата е „гнездо на марксисти“. Неговите дејствија, според Гејтс, се „шокантни“ и покажуваат недоразбирање на хуманитарните потреби.

„Маск е вмешан во смртта на најсиромашните“, заклучи Гејтс.

Свет

Нетанјаху во паника: Се соочува со најголемиот проблем досега

Израелскиот премиер Бенјамин Нетанјаху изјави дека објавувањето на видеоснимка од притворскиот центар Сде Теиман, која наводно прикажува злоупотреба на палестински затвореник, нанело сериозна штета на меѓународниот углед на Израел и претставува можеби „најголем удар на имиџот на земјата од нејзиното основање“.

Видеоснимката, емитувана минатиот август од телевизијата Channel 12, прикажува тешко малтретирање на припадник на Хамас. Поради овој инцидент, во февруари беше поднесено обвиниение против пет резервисти, чиј адвокати ги негираат обвинувањата за сексуално насилство.

Највисоката воена јавна обвинителка, Јифат Томер-Јерушалми, поднесе оставка на 31 октомври, преземајќи ја одговорноста за објавувањето на видеото со цел да се спротивстави на наводна пропаганда против воените правосудни органи.

Организацијата за човекови права Amnesty International го обвини Израел за злоупотреба и мачење на палестинските затвореници во Сде Теиман, а повеќе медиуми исто така известија за злоупотреби во овој објект.

Свет

Покровск пред целосен пад: На руските сили им се отвора пат кон Краматорск и Славјанск

Градот Покровск се приближува кон пад, а неговото освојување би им отворило пат на руските сили кон Краматорск и Славјанск, клучни упоришта на украинската армија во Донецката област. Според светските агенции, тоа би можело да стане пресвртница во војната во источна Украина.

Украинските сили започнале организирано повлекување, иако претседателот Зеленски и главниот командант Сирски тврдат дека градот е под контрола. Елитните јуришни бригади 92 и 79 се обидуваат да ги задржат северните пристапи и да спречат пресекување на патиштата за достава на појачување и муниција. Во соседниот Мирноград се водат жестоки борби со руските 1472. и 95. пук. Ако Мирноград падне, украинските позиции на јужните пристапи ќе бидат целосно опколени.

Крајната цел на Русија е продор кон индустриските центри Славјанск и Краматорск, со цел потполна контрола над Донецька област. По Покровск, руските планери би можеле да се обидат за продор кон реката Днепар, што би ја загрозило одбраната во Запорожје и би отворило можност за движење кон Одеса и Придњестровје. Сепак, украинската армија подготвува резервни сили и утврдени позиции за евентуален понатамошен руски пробив.

Свет

Трамп собира војска за во Газа: “Доаѓаме наскоро”

Претседателот на САД, Доналд Трамп, изјави дека Меѓународните стабилизациони сили (ISF) за Газа ќе бидат воспоставени многу брзо.

На прашање за временскиот рок на распоредување, Трамп рече дека многу земји доброволно се понудиле да испратат војници во составот на ISF за борба против Хамас, доколку тоа биде потребно. Ова е изјавено и покрај тврдењата на арапските дипломати дека нивните земји не сакаат да учествуваат во директен судир со Хамас, кој одбива да се разоружа.

Американскиот државен секретар Марко Рубио посочи дека администрацијата работи на усвојување резолуција на Советот за безбедност на ООН во наредните недели, со цел да се обезбеди правен основ за учество на земјите во меѓународните сили. Според медиумите, мултинационалните сили веројатно ќе вклучуваат трупи од Египет, Катар, Турција и Обединетите Арапски Емирати.