Технологија

Италијанска компанија поднесе тужба против Гугл, бара оштета од речиси 3 милијарди долари

Италијанската „Молтиплај груп“ го тужи Гугл за речиси 3 милијарди евра

Италијанската компанија Молтиплај груп соопшти дека поднела тужба против американскиот технолошки гигант Гугл, барајќи оштета од 2,97 милијарди евра. Тужбата е поднесена поради, како што тврдат, злоупотреба на доминантната позиција на пазарот и нарушување на конкуренцијата.

Компанијата управува со популарната италијанска веб-страница за споредба на цени Trovaprezzi.it преку својата подружница 7Pixel. Во тужбата се наведува дека Гугл ја маргинализирал нивната услуга во периодот од 2010 до 2017 година, со цел да го промовира сопствениот сервис Google Shopping.

Случајот е покренат пред суд во Милано, објави италијанскиот весник Кориере дела Сера, кој не откри повеќе детали. Од Гугл во Италија засега нема официјален коментар на обвинувањата.

Ова не е првпат Гугл да се соочи со слични тужби во Европа. Во 2017 година, Европската комисија го казни со 2,4 милијарди евра поради истата пракса – фаворизирање на сопствениот сервис за онлајн-споредба на цени на сметка на конкуренцијата. Минатата година, Судот на Европската унија ја отфрли жалбата на Гугл и ја потврди казната.

Технологија

Австралија забрани две нови социјални мрежи за деца под 16 години

Австралија додаде на листата социјални мрежи со ограничен пристап за деца под 16 години, Reddit и платформата Kick, кои од 10 декември ќе бидат забранети за регистрација и користење од помлади корисници.

Со ова, бројот на забранети платформи ќе се зголеми на девет, вклучувајќи ги и Facebook, X, Snapchat, TikTok, YouTube, Instagram и Threads, пренесува BBC.

Владата предупредува дека технолошките компании не преземаат „разумни чекори“ за да деактивираат сметки на малолетници или да спречат отворање нови, ќе можат да се казнат со парични казни до 32,5 милиони долари.

Забраната не се однесува на сервиси за пораки како Discord и WhatsApp, платформи за игри како Lego Play и Roblox, ниту на едукативни платформи како Google Classroom и YouTube Kids.

Иако тинејџерите под 16 години ќе можат да гледаат видеа на YouTube, нема да можат да креираат свои профили. Некои критичари истакнуваат ризици за приватност и точноста на софтверот за проверка на возраста, додека поддржувачите на менталното здравје сметаат дека забраната може да ја отежни комуникацијата на децата.

Технологија

Маск со нов удар – ја создаде „Грокипедија“, алтернатива на Википедија

Илон Маск и неговата компанија xAI ја лансираа „Грокипедија“ – нова онлајн енциклопедија која, според Маск, треба да биде „алтернатива и покоректен наследник на Википедија“.

Грокипедија е заснована на чатботот Grok, а првата верзија (0.1) веќе содржи над 885.000 дефиниции, во споредба со седум милиони на англиската Википедија. Маск најави дека верзијата 1.0 ќе биде „десет пати подобра“ и дека проектот нуди „вистина без цензура“.

Маск одамна ја обвинува Википедија за „левичарска пристрасност“, тврдејќи дека Грокипедија ќе биде непристрасна и отворена за сите. Сепак, дел од написите веќе предизвикаа контроверзии – пример, во текстот за движењето Black Lives Matter се нагласуваат немирите, но не се спомнува дека повеќето протести биле мирни.

Содржините ги создава вештачка интелигенција, која користи повеќе извори. Маск тврди дека тоа обезбедува „попрецизен и транспарентен систем на информации“. Проектот, меѓутоа, веќе е под лупа поради претходни контроверзии со Grok, што покажува дека борбата за доверба на јавноста допрва започнува.

Технологија

Chrome за Андроид доби нова корисна функција – корисниците ја обожаваат!

Chrome за Android воведе нова Gemini функција наречена „Summarize“, која овозможува лесно да добиете краток преглед на долг или сложен текст за полесно разбирање.

Опцијата е достапна во стандардната верзија на Android 16 и во најновото Android 16 QPR2 Beta 2 ажурирање. За да ја активирате, држете го копчето за исклучување на телефонот кога имате отворена страница со текст.

Gemini е визуелен асистент кој може да одговори на прашања, објасни делови од текстот или да спореди предмети спомнати на страницата. Новото копче „Summarize“ дава краток преглед на содржината на страницата.

Иако можеби уште не е достапна за сите, функцијата наскоро ќе пристигне на сите уреди со Android.