Ерата на iPhone при крај? Висок функционер на Apple најавува технолошка пресвртница

Повеќе од една деценија откако Стив Џобс го претстави првиот iPhone во 2007 година – уред што го засекогаш го смени начинот на кој комуницираме и функционираме во секојдневието – Apple сега сугерира дека можеби сме на прагот на нова револуција.

На неодамнешно судење, Еди Кју, потпретседател на Apple задолжен за услуги, изјави нешто што до неодамна можеше да звучи како научна фантастика: „Можно е за десет години повеќе да не ви биде потребен iPhone, колку и да звучи тоа лудо.“

Изјавата на Кју доаѓа во контекст на забрзаниот развој на вештачката интелигенција, трансформацијата на пребарувачите и комплексната динамика на партнерство и конкуренција меѓу Apple и Google. Тој потсети дека вистинската иновација честопати бара тешки и храбри одлуки.

„Ние самите го елиминиравме iPod со iPhone. За поголемиот дел од компаниите тоа е незамисливо – да уништите сопствен производ кој носи приходи, затоа што стравот од непознатото е голем. Но, зошто би ја убиле златната кокошка?“ запраша Кју.

Иако iPhone и натаму генерира речиси половина од вкупниот приход на Apple, Кју нагласува дека компанијата мора да остане флексибилна и отворена за идни технолошки скокови – особено во светло на се поголемата улога на вештачката интелигенција.

Според досегашните најави и гласини, Apple веќе работи на серија нови производи кои можат да го заменат централното место што го има iPhone во екосистемот – од слушалките AirPods со напредна АИ поддршка, до уредот Apple Vision Pro и очекуваните паметни очила.

Сите овие иновации, велат аналитичарите, го најавуваат доаѓањето на нова ера – во која мобилниот телефон можеби ќе биде само еден од многуте уреди што го поврзуваат корисникот со дигиталниот свет, но повеќе нема да биде незаменлив.

Изјава од висок функционер на „Apple“ повторно ја отвори дебатата за иднината на „iPhone“ и можниот негов наследник.

Дали „iPhone“ ќе биде минато за десет години? Еди Кју, долгогодишен потпретседател на компанијата, за време на сведочење во антимонополска постапка против „Google“ изјави: „Иако можеби звучи лудо, можно е за десет години да не ви треба iPhone“. Според него, технолошките промени и развојот на вештачката интелигенција отвораат простор за нови играчи и алтернативи.

Според „9to5Mac“, оваа изјава е повеќе шпекулација отколку официјална стратегија, но сепак предизвика големо внимание, особено поради позицијата што Кју ја има во компанијата.

Познато е дека извршниот директор Тим Кук активно инвестира во развојот на AR очила – уред што многумина го гледаат како потенцијален наследник на „iPhone“. Иако производот сè уште не е технички подготвен за пазарот, Apple веќе работи на паметни очила со вградени камери, микрофони и поддршка за Siri и визуелна интелигенција.

Со ова, Apple јасно става до знаење дека размислува за свет по „iPhone“, иако нема конкретни најави кога тоа би се случило.

Се отвора нова страница во дебатата за безбедноста на вештачката интелигенција, откако хуманоиден робот во фабрика во Кина беше снимен како се однесува агресивно и се обидува да нападне вработен.

Инцидентот, кој е документиран преку безбедносни камери, брзо се прошири на социјалните мрежи, особено на Instagram и X, предизвикувајќи лавина реакции и загриженост кај јавноста. Видеото покажува робот закачен на кран, како одеднаш започнува да ги движи екстремитетите на агресивен начин, додека во негова близина се наоѓаат двајца работници.

Еден од вработените бил на само чекор од потенцијален напад, но за среќа, успеал навреме да се оддалечи. Роботот потоа бил деактивиран со исклучување на струјата.

Овој инцидент повторно ја покрена загриженоста околу автоматизацијата и контролата врз автономните системи, особено во индустриска средина каде што ризикот по човечки животи не е за потценување.

Погледнете го видеото во продолжение: