Големи промени на Facebook: Сите видеа ќе се споделуваат како Reels

Meta најави значајни промени во начинот на кој функционира споделувањето видео-содржини на Facebook. Во наредните месеци, сите видеа што се поставуваат на платформата ќе се споделуваат исклучиво во формат на Reels, што претставува значаен исчекор од досегашниот модел.

Досега, корисниците можеа да споделат видеа во различни формати, при што оригиналниот автор и споделувачот имаа различен преглед на содржината. Со новите измени, сета видео-содржина – без разлика дали е кратка, долга или во живо – ќе биде централизирана во Reels формат.

„Facebook останува дом за сите типови видеа – кратки, долги и Live“, соопштија од Meta. „Во наредните месеци постепено ќе ги воведуваме овие промени глобално, како за лични профили така и за страници, со цел да го олесниме креирањето, споделувањето и откривањето на Reels-видеа на Facebook.“

Дополнително, компанијата ќе ги укине постојните ограничувања за должината на Reels видеата. Моментално, лимитот изнесува 90 секунди, но тоа наскоро ќе се промени. Како дел од промените, сегашниот таб за видеа (Video tab) ќе биде преименуван во Reels tab.

Овие измени се дел од поширока стратегија на Meta, најавена од извршниот директор Марк Закерберг на почетокот од годинава. Тој изјави дека целта е Facebook да стане „културолошки повлијателна платформа отколку што е сега“, враќајќи се кон корените на платформата – времето кога таа се темелеше на автентични социјални интеракции и градење заедници.

Ракетата Starship 36 на компанијата SpaceX доживеа силна експлозија за време на статички огнен тест во базата Бока Чика во Тексас, предизвикувајќи спектакуларен пожар и густ облак од чад што се издигна високо во ноќното небо.

Инцидентот се случил околу 23 часот по локално време, за време на рутинска процедура во рамки на подготовките за претстојно лансирање. Иако ракетата не била предвидена за полетување, туку била цврсто прицврстена за лансирната рампа, дојде до силна експлозија во горниот дел од конструкцијата.

Камерите го забележаа моментот на експлозијата

На снимките што брзо станаа вирални на социјалните мрежи, се гледа моментот кога врвот на ракетата експлодира, проследен со силен блесок што го засветлува екранот, а потоа следи огромна огнена топка и црн чад.

Според американските медиуми, во тестирањето учествувале меѓу 25 и 30 мотори. Просторот бил осигуран и подготвен за ваков тип тест, но експлозијата сепак предизвикала сериозни вознемирувања.

Локалното население потресено – оштетени прозорци и земјотресни вибрации

Силната детонација ги вознемири жителите на околните населби. Според локалниот портал ValleyCentral, многумина пријавиле дека почувствувале потреси, се треселе прозорците, а од тресењето ѕвонеле садовите во кујните. Засега нема информации за повредени, но штетите на околната инфраструктура сè уште се проценуваат.

Втора експлозија за кратко време

Овој инцидент доаѓа само неколку недели по претходната несреќа, кога друга верзија на Starship експлодираше над Индискиот Океан за време на неуспешен тест на повторно влегување во атмосферата. Тогаш, според Fox News, биле отстранети 100 термоизолациски плочки со цел да се испита издржливоста на системот.

SpaceX: „Ова не е неуспех – учиме од секоја грешка“

Компанијата на Илон Маск го потврди инцидентот, но нагласи дека станува збор за дел од планирано екстремно тестирање со цел собирање на податоци за подобрување на идните мисии.

„Кај вакви тестови, успехот не значи отсутство на грешки, туку извлекување на поуки. Овој тест ќе помогне Starship да стане побезбедна и понадежна ракета“, соопштија од SpaceX.

Маск најави дека темпото на лансирања ќе се забрза и дека во следните неколку месеци ќе следат најмалку уште три тестирања, со интервал од три до четири недели меѓу секое.

Starship останува клучен за мисиите кон Месечината и Марс

И покрај предизвиците, вклучувајќи експлозии, технички дефекти и одложувања, SpaceX не отстапува од амбицијата да создаде првa целоснa повеќекратнa употреблива ракета што ќе може да пренесува луѓе до Месечината, Марс и подалеку.

„Развојните тестирања по својата природа се непредвидливи. Но токму преку чести лансирања и работа во реални услови, брзо учиме и го приспособуваме дизајнот“, додаваат од компанијата.

Ship 36 experiences a RUD at Massey’s during testing prior to Starship Flight 10. Seen in slow motion.
Continue to watch live: https://t.co/wL0tTdxtla
📸: @NASASpaceflight pic.twitter.com/sSy72p79fM

— D Wise (@dwisecinema) June 19, 2025

Гугл воведе нова „казна“ за корисниците со AdBlock на YouTube: Црн екран наместо реклами

Гугл ја започна најагресивната кампања досега против блокаторите на реклами, значително менувајќи го искуството на гледање содржини на YouTube. Корисниците со активен ad blocker се соочуваат со намерно забавена репродукција и појава на црн екран наместо видеа.

Во последните години значително се зголеми бројот на непрескокливи реклами, а минатата недела Гугл почна да ги блокира видеата кај корисниците што користат ad blocker-алатки. Според компанијата, тие го кршат правилникот на платформата.

Наместо реклами — црн екран и попап пораки

Новата стратегија оди чекор подалеку — видеата се паузираат, а се појавува црн екран со порака: „Experiencing interruptions? Find out why.“ Корисниците пријавуваат паузи од 5 до 10 секунди на почетокот од секое видео и попап пораки што ги упатуваат кон техничката поддршка на Гугл.

YouTube воведе и систем на предупредувања — по гледање три видеа со блокатор, следува целосна блокада на пристапот до содржините.

„Игра на мачка и глушец“

Од AdGuard велат дека ова е класична „игра на мачка и глушец“, бидејќи корисниците постојано наоѓаат начини да ги заобиколат рекламите, а Гугл ги менува техничките ограничувања.

Очигледно е дека Гугл се обидува да ги поттикне корисниците да се претплатат на YouTube Premium или да прифатат поагресивни реклами – што кај многумина веќе предизвикува незадоволство.