Спорт
Реал Мадрид го потврди првото засилување за идната сезона
Дин Хујсен е првото летно засилување на Реал Мадрид
Шпанскиот репрезентативец Дин Хујсен официјално стана првото засилување на Реал Мадрид за новата натпреварувачка сезона. Информациите што кружеа во изминатите денови денеска беа потврдени преку соопштение објавено на официјалната интернет-страница на клубот.
Хујсен доаѓа од англискиот премиерлигаш Борнмут, а иако Реал Мадрид не ја објави официјално сумата на трансферот, шпанските медиуми шпекулираат дека „кралскиот клуб“ за неговите услуги платил 59 милиони евра.
Младиот дефанзивец потпиша договор на пет години и се очекува да биде значајно засилување во одбранбената линија на тимот. Во текот на својата кариера настапуваше и за Јувентус и Рома, а иако игра за шпанската репрезентација, роден е во Амстердам и претходно го носеше дресот на холандските младински селекции.
Интересен е фактот што Реал Мадрид не влезе во преговори со Борнмут, туку директно ја активираше откупната клаузула за играчот, која изнесува 59 милиони евра. Од таа сума, 10% ќе припаднат на Јувентус, клубот од кој Борнмут го откупи Хујсен минатата година.
Се поставува прашање дали напаѓачот на Реал Мадрид, Килијан Мбапе, ќе настапи на натпреварот против Ал-Хилал на Светското клупско првенство.
Мбапе го пропушти последниот тренинг поради болест, со висока температура, според шпанските медиуми. Иако официјално не е исклучен, се шпекулира дека може да го пропушти дуелот на стадионот „Хард Рок“ во Мајами.
Отсуството на Мбапе ја остава тренерската легенда Чаби Алонсо во дилема кој ќе го води нападот. Младиот Бразилец Ендрик, потенцијална алтернатива, не е во тимот поради мускулна повреда од натпреварот против Севилја минатиот месец.
Мбапе беше клучен играч оваа сезона, со 31 гол во Ла Лига и 43 гола во 56 натпревари.
Реал Мадрид влегува во турнирот како еден од фаворитите, а во групата Х ќе игра против Ал-Хилал, РБ Салцбург и Пачука.
Младата репрезентација на Македонија до 14 година одигра нерешено 1:1 против соодветната селекција на Албанија во рамките на првиот контролен натпревар одигран помеѓу овие две селекции на стадионот на ФК Скендербег во Корча.
Домаќинот рано во 15. минута преку Александро Шофити поведе со 1:0. Во продолжението, избраниците на селекторот Горан Станковски наметнаа своја игра, создадоа неколку добри прилики и сосема заслужено во 56. минута преку Давор Таневски го израмни резултатот на 1:1.
На 19. јуни е закажаната втората контролна среда помеѓу младите селекции на Македонија и Албанија.
МАКЕДОНИЈА: Огнен Божиновски, Хамза Зибери, Филип Богоевски, Давор Танески, Дин Розојац, Калин Аврамоски, Нено Бафтијар, Павел Димоски, Јован Јанчевски, Борјан Костовски, Виган Таири;
Селектор: Горан Станковски;
Спорт
Младите надежи на Македонија и Албанија се сретнуваат во Корча: У-14 фудбалски дуел на пријателство и талент
На 17 јуни, во 17 часот, на стадионот „Скендербег“ во Корча, ќе се одигра пријателски натпревар помеѓу кадетските селекции на Албанија и Северна Македонија до 14 години.
Овој меч е важен дел од подготовките на двата тима и можност за младите фудбалери да стекнат драгоцено искуство на меѓународна сцена. Очекувањата се за фер и возбудлива игра, каде младите таленти ќе ја покажат својата борбеност и љубов кон спортот.
Поддршката од трибините ќе биде клучна за двата тима во нивната борба за победа и напредок.
-
Балкан4 days agoАмериканска туристка ја откри измамата во Грција: „Не оставaјте го телефонот на маса, користете синџир и AirTag“
-
Балкан6 days agoЉубица ја отвори најголемата дискусија за одмор во Грција: “Секоја година си поминувам со само 10 евра, не знам што правите вие”
-
Црна Хроника4 days agoПадна голема група дилери во Скопје
-
Република5 days agoАлбански портал објави видео со тетовски полицајци во униформа кои влегуваат во цивилни возила со две девојки (ВИДЕО)
-
Балкан4 days agoТуристите изненадени од новите цени на храната и пијалаците во Грција ова лето – еве колку ќе ве чини одморот
-
Република3 days agoВИДЕО: Редок феномен над Шар Планина: Што се појави на небото?
-
Свет6 days agoРусија предупредува: Овој потег на Иран ќе има незамисливи последици за целиот свет
-
Балкан4 days agoТрагедија во Кападокија: Еден загинат и 19 повредени во несреќа со воздушни балони