Црна Хроника
Откриена најголемата даночна измама во Македонија: Проневерени над 94 милиони евра – пријавени 30 лица и 15 фирми
Одделот за сузбивање на организиран и сериозен криминал, во координација со Одделот за криминалистичка полиција, Управата за финансиска полиција и Управата за јавни приходи, поднесе обемна кривична пријава до Основното јавно обвинителство за гонење на организиран криминал и корупција.
Пријавата се однесува на 30 физички и 15 правни лица од Струмица, кои се товарат за сериозни кривични дела како „злосторничко здружување“, „перење пари и други приноси од казниво дело“, „даночна измама“ и „несовесно работење во службата“.
Како организатори на криминалната шема се посочуваат Р.К. (56), З.К.В. (30) и В.П. (29), кои во текот на 2019 година оформиле злосторничко здружение, со цел извлекување нелегална добивка на сметка на државниот буџет. Кон здружението се приклучиле повеќе управители на фирми, инспектори од УЈП, како и овластени сметководители.
Преку 15 фирми, дел фиктивно основани, дел под нивна реална контрола, биле изготвувани и заверувани лажни фактури со невистинита содржина, при што се прикажувал фиктивен промет на добра и услуги без реална економска основа.
Во оваа сложена криминална шема, која функционирала од 2019 до 2024 година, осомничените успеале да извлечат незаконска имотна корист во износ од 5.801.937.796 денари, што изнесува околу 94,3 милиони евра.
Надлежните институции најавуваат продолжување на истрагата и проширување на истражните дејствија, со цел целосно расчистување на овој случај, кој се смета за една од најголемите финансиски измами во историјата на Македонија.
На 14.06.2025 година во 21.40 часот на улицата „Мирче Ацев” во Тетово полициски службеници од СВР Тетово го лишиле од слобода А.Х. (32) од Тетово, затоа што во неговото патничко моторно возило со кое управувал е пронајдена бела прашкаста материја и предмети со траги од бела прашкаста материја. По целосно документирање на случајот ќе следи соодветен поднесок.
Вистински инцидент се случил вчера (14.06.2025) околу 19:50 часот во скопската општина Аеродром, кога 45-годишниот В.Д. од Тетово бил приведен од страна на полициски службеници од СВР Скопје поради агресивно однесување кон нив за време на вршење на службени дејствија.
Но, драмата не завршила тука – по приведувањето, во полициската станица В.Д. физички нападнал еден од полицајците, потврдува МВР.
Случајот е во фаза на целосно документирање, по што ќе биде поднесен соодветен поднесок против лицето, велат од полицијата. Инцидентот предизвика силни реакции на социјалните мрежи, каде граѓаните бараат построги санкции за насилство врз службени лица.
Црна Хроника
Фатени пијани, брзи и опасни: Шестмина возачи уапсени за безобѕирно возење викендов низ Македонија!
Шест лица се уапсени за безобѕирно управување со возило за време на викендот, потврди МВР. Возачите биле фатени под дејство на алкохол или со екстремно пречекорена брзина, при што некои предизвикале и сообраќајни несреќи.
Во Прилеп, на улицата „Пеце Котески“, бил уапсен возач на „Ивеко“ од Скопје со неверојатни 1.90 промили алкохол во крвта. Во Штип, друг возач бил фатен со 1.52 промили, а во Кичево, лице управувало „Мицубиши“ со 1.72 промили алкохол, по што било приведено.
Во Тетово, 58-годишен жител на село Жилче излетал од коловозот со „Ланчија“, а алкотестот покажал 2.24 промили алкохол – една од највисоките вредности забележани викендов.
Во Гевгелија, 30-годишен маж со 2.01 промили предизвикал сообраќајна несреќа и оштетил две паркирани возила. На автопатот Скопје–Тетово, пак, возач од Куманово бил фатен како вози со 175 км/ч на дел со ограничување од 80.
Сите шест возачи се лишени од слобода и против нив ќе следуваат кривични пријави по член 297-а од Кривичниот законик – „безобѕирно управување со моторно возило“.
-
Скопје7 days agoПоловина Скопје без струја утре – проверете дали и вашата улица е на списокот!
-
Балкан2 days agoЉубица ја отвори најголемата дискусија за одмор во Грција: “Секоја година си поминувам со само 10 евра, не знам што правите вие”
-
Република1 day agoАлбански портал објави видео со тетовски полицајци во униформа кои влегуваат во цивилни возила со две девојки (ВИДЕО)
-
Свет2 days agoРусија предупредува: Овој потег на Иран ќе има незамисливи последици за целиот свет
-
Балкан18 hours agoТрагедија во Кападокија: Еден загинат и 19 повредени во несреќа со воздушни балони
-
Балкан4 hours agoТуристите изненадени од новите цени на храната и пијалаците во Грција ова лето – еве колку ќе ве чини одморот
-
Скопје5 days agoУтре без вода дел од Скопје
-
Црна Хроника6 days agoПолициска акција во Тетово: Пронајдени оружје, дрога и сомнителни предмети