Спорт

Прва размена на воени заробеници меѓу Русија и Украина: Млади борци и тешко ранети се вратени дома

Русија и Украина ја извршија првата размена на воени заробеници, вклучувајќи млади борци под 25 години и тешко ранети, како резултат на директни преговори меѓу двете страни. Претседателот на Украина, Володимир Зеленски, и руското Министерство за одбрана денеска соопштија дека процесот на размена започнал и ќе продолжи во неколку фази во наредните денови.

На објавените фотографии се гледаат млади украински војници обвиткани во национални знаменца, кои со насмевки, солзи и олеснување го прославуваат враќањето дома од руското заробеништво.

Оваа размена е прва по вториот круг преговори меѓу Русија и Украина што се одржаа на 2 јуни во Истанбул, при што двете страни се договорија да разменат најмалку 1200 воени заробеници од двете страни, приоритетно млади борци и тешко ранети, како и да ги вратат телата на загинатите војници.

Рускиот Кремљ потврди дека бројот на разменети заробеници е еднаков од двете страни, а претходно беше објавено дека Украина добила листа со имиња на 640 воени заробеници.

Иако ова претставува хуманитарен успех, преговорите за прекин на огнот се во застој, бидејќи Русија предлага привремен прекин на конфликтот во одредени области за собирање на телата на загинатите, додека Украина инсистира на целосен и безусловен прекин на огнот.

Зеленски потврди дека Украина останува посветена на процесот на размена на заробеници и враќање на сите свои граѓани од руски затвор, повикувајќи ја меѓународната заедница да продолжи со притисокот врз Русија за постигнување на сеопфатен мир.

Спорт

Познати стартните 11 на Македонија за дуелот со Летонија

Фудбалската репрезентација на Македонија вечерва од 18 часот ќе го одигра пријателскиот натпревар против Летонија, како дел од подготовките пред последниот квалификациски меч со Велс во Кардиф.

Селекторот Благоја Милевски се одлучи за следниот стартен состав:

Димитриевски на голот, во одбраната Ашковски, Серафимов, Стојчевски и Климевски. Средниот ред го сочинуваат Барди, Алими и Костадинов, додека во нападот ќе настапат Ѓурчинов, Растодер и Ристовски.

Овој меч е последна проверка за „црвено-жолтите“ пред решавачките натпревари во квалификациите, а Милевски очекува стабилна игра и уверлива партија против Летонија.

Спорт

Општина Битола: Заедно да ги бодриме младите фудбалери на „Петар Милошевски“

Стадионот „Петар Милошевски“ повторно ќе биде домаќин на голем фудбалски натпревар, овојпат помеѓу македонската фудбалска репрезентација до 21 година и репрезентацијата на Шведска. Натпреварот се игра денес со почеток во 17:00 часот, како дел од квалификациите за пласман на Европското првенство 2027 година.

Откако стадионот доби лиценца од втора категорија од Европската фудбалска унија (УЕФА), „Петар Милошевски“ има можност да биде домаќин на големи натпревари. Во последните два месеци веќе се одиграа два значајни натпревари на овој стадион, што дополнително ја потврдува неговата важност за македонскиот фудбал.

Билетите за натпреварот се достапни електронски на страницата на Фудбалската федерација на Македонија: https://eticket.ffm.mk/stadion-bitola/

Општина Битола ги повикува сите граѓани да дојдат и заедно да го поддржат младинскиот тим, да ја покажат битолската навивачка традиција и да дадат поддршка за македонскиот фудбал.

Спорт

Чурлинов пред дуелот со Латвија: Секој натпревар е важен, одиме на победа

Македонскиот репрезентативец Дарко Чурлинов денеска говореше на прес-конференцијата во пресрет на пријателскиот натпревар против Латвија, кој ќе се одигра утре на Националната арена „Тодор Проески“ во Скопје.

„Среќни сме што повторно сме заедно. За нас секој натпревар е важен и ќе дадеме сè од себе за да ги оствариме нашите цели. Македонија оди на победа на секој меч, така ќе биде и против Латвија. Потоа следува фокус на квалификацискиот натпревар со Велс, кој има своја тежина,“ изјави Чурлинов.

Натпреварот меѓу Македонија и Латвија ќе започне во 18:00 часот, а влезот за сите навивачи ќе биде бесплатен.