Скопје
Ѓорѓиевски: Кисела Вода секој ден сѐ поубава, модерна и зелена
Градоначалникот на општина Кисела Вода, Орце Ѓорѓиевски, најави дека општината продолжува со интензивни активности за подобрување на урбаната слика и квалитетот на живот за своите жители. Во фокусот на последните проекти се обновата и изградбата на нови детски катчиња, како и поставување урбана опрема и хортикултурно уредување на јавните простори.
„Изминатиов период работевме на обнова на старите, како и поставување на нови детски катчиња низ нашата општина. Станува збор за современи игралишта со нови подлоги од полипропилен, истиот материјал кој се користи на Олимписките игри,“ истакна Ѓорѓиевски.
Новите простори се дизајнирани со цел да обезбедат безбедна и стимулирачка средина за децата, додека на возрасните им се овозможува пријатен амбиент за одмор и рекреација. Катчињата се опремени со нови клупи, фонтани и елементи за седење, а целата површина е дополнително уредена со зеленило и декоративни садници.
Градоначалникот апелираше до граѓаните да покажат одговорност и грижа кон новите содржини. „Апелирам до родителите и дечињата да ги чуваме овие нови реквизити. Доколку се забележи вандалско однесување, веднаш да се пријави до надлежните полициски служби,“ нагласи тој.
Со оваа иницијатива, Кисела Вода потврдува дека инвестирањето во урбана опрема и зелени површини останува приоритет, со визија за создавање поквалитетен и поинклузивен животен простор за сите генерации.
„Нашата Кисела Вода се менува секој ден, и тие промени се насекаде околу нас. Најдоброто допрва доаѓа,“ порача градоначалникот Ѓорѓиевски.
Скопје
Ганиу: Завршено асфалтирањето на „Лек Дугаѓини“ во Серава – инвестиција за подобар квалитет на живот
Градоначалникот на Чаир, Висар Ганиу, денес беше на терен во населбата Серава каде ја надгледа финалната фаза од инфраструктурните зафати на улицата „Лек Дугаѓини“.
Во рамки на овој проект, целосно е асфалтирана површина од 2400 квадратни метри, а паралелно е завршена и изградбата на водоводната и канализационата мрежа, со што е обезбеден целосно функционален систем за локалното население.
„Оваа инвестиција е дел од нашата стратегија за унапредување на животниот стандард во сите делови од општината. Безбедни и модерни улици значат и подобар секојдневен живот за жителите,“ изјави Ганиу.
Проектот е реализиран под покровителство на Општина Чаир и е дел од пошироката програма за урбана модернизација и унапредување на јавната инфраструктура.
Ганиу додаде дека ваквите инфраструктурни проекти се клучни за долгорочен и одржлив развој на урбаните заедници.
Скопје
Полицијата уапси скопјанец, управувал возило со 2,57 промили алкохол во крвта и предизвикал сообраќајна незгода
Лишен од слобода скопјанец, управувал возило со 2,57 промили алкохол во крвта и предизвикал сообраќајна незгода
На 15.06.2025 во 20.50 часот во Скопје, на подрачјето на општина Аеродром, полициски службеници од СВР Скопје го лишиле од слобода Н.А.(56) од Скопје. Претходно, на ул.„Владимир Комаров“, тој со патничко возило „субару“, кое го управувал, удрил во паркирано патничко возило „фолксваген голф“ со скопски регистарски ознаки, паркирано од Љ.Р.(47) од Скопје.
При преземање мерки во врска со сообраќајната незгода било констатирано дека тој го управувал возилото под дејство на алкохол, односно му биле измерени 2.57 промили алкохол во крвта.
Тој бил задржан во полициска станица, а по целосно документирање на настанот против него ќе биде поднесена пријава по член 297-а од Кривичниот законик-„безобѕирно управување со моторно возило“ и член 288 од Кривичниот законик-„предизвикување општа опасност“.
Скопје
„Пајакот“ минатата недела кренал над 150 непрописно паркирани возила на територија на Општина Центар
ЈП Паркинзи на Општина Центар во соработка со Сообраќајната полиција-Скопје со помош на специјалните возила „Пајак“ санкционираа 154 непрописно паркирани возила кои го попречувале нормалното и безбедно одвивање на сообраќајот.
За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот.
-
Скопје7 days agoПоловина Скопје без струја утре – проверете дали и вашата улица е на списокот!
-
Балкан2 days agoЉубица ја отвори најголемата дискусија за одмор во Грција: “Секоја година си поминувам со само 10 евра, не знам што правите вие”
-
Црна Хроника7 days agoОткриена најголемата даночна измама во Македонија: Проневерени над 94 милиони евра – пријавени 30 лица и 15 фирми
-
Република1 day agoАлбански портал објави видео со тетовски полицајци во униформа кои влегуваат во цивилни возила со две девојки (ВИДЕО)
-
Свет2 days agoРусија предупредува: Овој потег на Иран ќе има незамисливи последици за целиот свет
-
Балкан17 hours agoТрагедија во Кападокија: Еден загинат и 19 повредени во несреќа со воздушни балони
-
Балкан4 hours agoТуристите изненадени од новите цени на храната и пијалаците во Грција ова лето – еве колку ќе ве чини одморот
-
Скопје5 days agoУтре без вода дел од Скопје