Република

БОЈКОСКИ: НИКОЈ ОД СДСМ НЕ САКА ДА БИДЕ КАНДИДАТ ЗА ГРАДОНАЧАЛНИК

Бојкоски вели дека СДСМ не може да биде локална власт во Битола, прашан за изјавата на Николовски дека овој пат ќе го гласаат извештајот за зимската служба за да добие општината пари од Агенцијата за државни патишта, оти на новата локална самоуправа ќе му требаат пари за чистење на улиците следната зима.

„Тие можат само да сонуваат да бидат локална власт во Битола. Прво треба да си најдат кандидат во нивните редови кој што ќе изгуби на локалните избори, а во Советот ќе бидат во значително помал број советници од она што се денес. Бидејќи ниту имаат капацитет, ниту имаат кадровски потенцијал да направат нешто подобро за градот Битола“ вели Бојкоски.

Прашавме дали тие препознаат некакви имиња кои се во игра за кандидат за градоначалник од СДСМ.

„Ние нема да се мешаме во нивниот избор на кандидат. Од оние муабети кои што се низ градот, дека никој од СДСМ не сака да биде предложен за кандидат за градоначалник бидејќи знае дека ќе биде жртвено јагне и ќе ги изгуби изборите. Тие имаат внатре во партијата недостаток на кадри кои ќе излезат ќе се спротивстават на оваа локална самоуправа предводена од ВМРО ДПМНЕ“ рече тој.

Побаравме од него и коментар за изјавата на Филипче дека некои советници од нивната партија соработувале со градоначалници од ВМРО ДПМНЕ, за лични интереси и за ротации на советниците во иднииот состав.

„Тоа е нивна перцепција. Во однос на нивните одлуки ние како ВМРО ДПМНЕ нема да се мешаме, како сметаат така нека си прават, ние си ги гледаме нашите проекти кои што се во интерес на сите граѓани и нема да се мешаме ниту во кадровската политика на СДСМ, ниту пак не интересира“ рече Бојкоски.

Извор: Тера.мк

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.

Република

Коњановски ги прими просветните работници на годината од Битола

Градоначалникот на Битола, Тони Коњановски, денеска оствари средба со добитничките на признанието „Просветен работник на годината“ за учебната 2024/2025 година – Наташа Тодоровска, наставник по одделенска настава во ОУ „Ѓорѓи Сугарев“, и Аница Б. Златевска, психолог во ОУ „Коле Канински“.

Коњановски им честиташе за значајното признание доделено од Министерството за образование и наука и Сојузот на просветни работници, нагласувајќи дека ваквите награди се симбол на поширока општествена заложба за почит и вреднување на улогата на наставниците, воспитувачите и стручните соработници во образованието.

Тој истакна дека трудот на просветните работници е фундаментален за формирањето на идните генерации и дека локалната самоуправа ќе продолжи да ја поддржува нивната работа.

Признанијата се доделуваат во рамките на кампањата „Магијата е во знаењето“, која Министерството ја реализира по повод 5 Октомври – Светскиот ден на учителите, со цел истакнување на незаменливата улога на учителите и зголемување на општествената почит кон нив.