На 15.06.2025 во 18.20 и 20.20 часот во Куманово, полициски службеници од Полициската станица за безбедност на патниот сообраќај при СВР Куманово ги лишиле од слобода В.Ц.(30) од Куманово и Е.С.(32) од Скопје. При контрола на патниот сообраќај, полициските службеници сопреле патничко моторно возило „фолксваген венто“, кое го управувал В.Ц. и по преземени мерки било констатирано дека е под дејство на алкохол, односно дека му биле измерени 1.69 промили алкохол во крвта.

Додека, при контрола на патниот сообраќај и возилото „бмв“, кое го управувал Е.С., било констатирано дека е под дејство на алкохол, односно дека му биле измерени 1.84 промили алкохол во крвта.

По целосно документирање на настанот, против него ќе биде поднесена пријава по член 297-а од Кривичниот законик – „безобѕирно управување со моторно возило“.

На 15.06.2025 во Тетово, полициски службеници од Полициска станица за безбедност на патниот сообраќај Тетово лишиле од слобода три лица од Тетово и тетовско затоа што управувале возило со брзина поголема од максимално дозволената.

во 17.40 часот на патот Тетово-Гостивар, од слобода бил лишен Ш.Ф.(45) од Тетово При сообраќајната контрола и преземените мерки и активности, полициски службеници констатирале дека управувал патничко моторно возило „бмв“ со тетовски регистарски ознаки со брзина од 180 километри на час на место каде што максималната дозволена брзина е 80 километри на час.

Во 17.50 часот на патот Тетово-Гостивар, од слобода бил лишен И.С.(36) од с.Порој, тетовско, затоа што сообраќајната контрола и преземените мерки било констатирано дека тој управувал патничко моторно возило „ауди“ со тетовски регистарски ознаки со брзина од 153 километри на час на место каде што максималната дозволена брзина е 80 километри на час.

Додека, во 10.19 часот полициски службеници го лишиле од слобода Ф.И.(34) од с.Боговиње, тетовско. При сообраќајна контрола надвор од населено место во Тетово, било констатирано дека управувал патничко возило „бмв“ со тетовски регистарски ознаки со брзина од 153 километри на час на место каде што максималната дозволена брзина е 80 километри на час.

Лицата биле приведени во полициска станица и по целосно документирање на случаите против нив ќе биде поднесена пријава по член 297-а од Кривичниот законик – „безобѕирно управување на моторно возило“.

Албанскиот портал JOQ објавува видео на кое се гледа како двајца полицајци снимени во Тетово по краток разговор влегуваат во две возила со две девојки.

,,Вечерва во Тетово, двајца полицајци беа снимени како влегуваат во автомобили со две девојки и се одвезуваат во непознат правец. Снимката не покажува никаква службена акција или мешање, туку ситуацијата изгледа како приватен состанок”, пишува JOQ.

Во дописот до порталот испратен пред два дена граѓанинот пишува:
„Здраво JOQ, имам извештај за тетовската полиција која ги внесува девојките во автомобили… Ви го испраќам ова видео затоа што не ни дозволуваат да се дрогираме на мира.“

Во време кога граѓаните очекуваат ред и безбедност од институциите за спроведување на законот, ваквото однесување ја поткопува довербата и интегритетот на полициската униформа, пишува во објавата.

Во видеото нема видливо кршење на законите од страна на полицајците ниту однесување спротивно на етичките норми.

Од видеото не може да се види дали полицајците биле во патрола или вршеле полициски работи.

Дали ги прекршиле правилата на МВР може да утврдува Внатрешната контрола во министерството.

Видеото што го објавува албанскиот портал на овој линк

https://www.facebook.com/share/r/1AXqZf9hsb/

Извор: expres.mk