Црна Хроника

Млад Велешанец со нож нападнал малолетничка и полицајци – по испукани куршуми успеал да избега, се трага по него

23-годишен жител на Велес вчера попладне предизвикал сериозен инцидент на улицата „Хаџи Косте“ откако со нож нападнал малолетничка, ѝ се заканувал на нејзината мајка, а потоа се обидел да нападне и полицајци кои пристигнале на интервенција.

Според информациите од полицијата, инцидентот започнал кога С.У. (23) со остар предмет нападнал малолетничка поради засега непознати причини. Во обид да ја заштити ќерка си, пристигнала и нејзината мајка, но напаѓачот и неа ја нападнал и ѝ се заканувал со прободување.

Настанот бил пријавен од таткото на девојчето, по што на местото веднаш пристигнала полициска патрола. Тие го затекнале осомничениот како држи ножеви и веднаш побарале од него да ги фрли. Наместо да се предаде, С.У. тргнал кон полицајците со заканувачки став, по што биле испукани предупредувачки куршуми во воздух.

И покрај тоа, напаѓачот продолжил да се приближува, по што полицијата испукала уште еден куршум. Тогаш С.У. фрлил еден од ножевите и започнал да бега, при што биле испукани уште два предупредувачки куршуми. Во бегство, осомничениот го фрлил и вториот нож и успеал да избега.

Полицијата и понатаму трага по него, а за инцидентот е известен и Центарот за социјални работи – Велес. Случајот е предмет на истрага.

Црна Хроника

Шест лица приведени кај Прилеп, откриени пушки при полициска контрола

Шест лица се приведени во прилепско поради сомнение за „незаконит лов“, откако полициски службеници на 11 декември околу 15:30 часот извршиле контрола на патот Витолиште–Прилеп, на местото викано паркинг Штавица.

Приведени се С.А. (46), Х.Ј.Ј. (48), П.Т. (46) и 16-годишник – сите со шведско државјанство, како и Д.М. (76) од Кавадарци и К.М. (66) од Прилеп. Сите се сомничат за кривично дело по член 228 од Кривичниот законик – „незаконит лов“.

При преглед на возило „мерцедес“ со шведски регистарски таблички, управувано од С.А., полицијата пронашла шест ловечки пушки и пакување со свежо месо исечено на парчиња.

Приведените се задржани во ОВР Прилеп, а по целосно документирање на случајот ќе биде поднесена соодветна пријава.

Црна Хроника

Тепачка на пазар во тетовско – полицијата со детали

На 11.12.2025 во 16:00 часот во Полициското одделение Групчин се пријавиле Џ.Р.(57) и Б.Р.(34), двајцата од с.Стримница, тетовско. Според пријавеното, кај сточен пазар во с.Боговиње, по претходна расправија, физички го нападнале А.А.(58) од Тетово. По целосно документирање на случајот, ќе следува соодветен поднесок.

Црна Хроника

Млад скопјанец пронајден мртов во напуштен објект во Центар

На 12 декември 2025 година, околу 00:20 часот, во СВР Скопје било пријавено дека во напуштена куќа на подрачјето на општина Центар е пронајдено починато 25-годишното лице Е.Р. од Скопје.

Екипа на Итната медицинска помош на местото ја констатирала смртта, без видливи траги на насилство.

Полицијата извршила увид, а по наредба на јавен обвинител телото е предадено на обдукција со цел утврдување на причините за смртта.