Македонија
Археолошки тајни под Маркови Кули: Откриени нови камени гробници од времето на македонските кралеви
Археолозите од прилепскиот Завод и музеј открија пет нови камени гробници во карпа, при заштитни истражувања на локалитетот „Крклари“ на познатиот археолошки комплекс Маркови Кули над Прилеп. Станува збор за гробници од хелинистичкиот период, поточно од времето на македонските кралеви Филип V и Персеј, кои датираат од I и II век пред нашата ера.
Според археологот и конзерватор Владимир Крстески, овие гробници се единствени во регионот и сведочат за постоењето на високоразвиено општество со јасна социјална хиерархија.
„Овој тип гробници се специфични и претставуваат единствена појава во Прилепскиот регион. Во гробниците се закопувале видни граѓани и може да бидат голема туристичка атракција“, вели Крстески.
Гробниците имаат препознатливи архитектонски елементи: дромос (пристапен ходник), преткомора и главна комора каде што се положувале посмртните, односно спалените остатоци на покојникот.
„Хронолошки, се датираат во првиот и вториот век од нашата ера, односно во доцно-хелинистичкиот период. Со доистражувањата на овој тип гробници во Пелагонискиот регион ќе се надополнат сознанијата за погребувањето на луѓето од повисокиот општествено-политички статус за време на владеењето на последните македонски кралеви Филип Петти и Персеј. Со тоа ќе станат убава туристичка атракција со понатамошните конзерваторски работи и нивно заштитување и целосен пристап за да може посетителите и туристите да ги посетат и да го видат начинот на погребување од овој тип“, објаснува Крстески.
Иако со децении е познато дека комплексот Маркови Кули крие камени гробници, сѐ уште не е утврден точниот број. Првите истражувања ги спровел археологот Бошко Бабиќ во шеесеттите години. Според досегашните податоци, во Прилепскиот регион се евидентирани 27 гробници, три во битолски Суводол, четири во Гевгелиско-Валандовскиот регион и една кај Кратово, на локалитетот „Дупка“.
Истражувачите имаат индиции дека бројот на гробници е далеку поголем, а некои потекнуваат и од средниот век. Работите ќе продолжат и во наредните години, со цел целосно документирање и заштита на овие значајни археолошки наоѓалишта. Крстески укажува дека целата област е важна историска некропола:
„Специфично е и тоа што се врзуваат и се наоѓаат во близина на античките градови Керамија, кој бил во непосредна близина, односно на Марковите Кули и во близина на античкиот град Колобаиса, односно во Горно село кај Трескавец. Тоа ни докажува дека во тој период овие градови живееле и имале висок политички и економски статус. Овој цел Регион претставува една огромна некропола. Тоа се докажува со нашите истражувања дека се пронајдени уште два гроба од подознежниот период, и тоа од средниот век. Во иднина истражувањата ќе покажат што сѐ околу Марковите Кули се крие“, вели Крстески.
Истражувањата се очекува да продолжат со поддршка од надлежните институции и со зголемен интерес за зачувување на археолошкото наследство во Прилепскиот регион.
Две специјални противпожарни возила на Дирекцијата за заштита и спасување (ДЗС) беа ангажирани во гаснењето на пожарот во Скопско, кој траеше во текот на вчерашниот и денешниот ден. Станува збор за „Хермелин“ со цистерна од 6 тона и „Пинцгауер“ со капацитет од 1,5 тон вода.
Директорот на ДЗС, Стојанче Ангелов, објасни дека употребата на БТР-80 не била можна поради специфичната конфигурација на теренот:
„Бидејќи се оперираше низ населени места со стрмни и тесни улици и остри кривини, сметав дека не е безбедно да се користи БТР-80. Наместо тоа, подготвивме две возила за можен транспорт до фабриката ‘Самоков’, кои со своите резервоари од 6 тона и моќни пумпи со дострел до 100 метри, можат значително да помогнат при одбрана на објектот“, изјави Ангелов.
Поради тоа што пожарот бил ставен под контрола пред да се приближи до фабриката, овие возила не биле испратени таму.
Ангелов потенцира дека сите возила имаат технички преглед, се регистрирани на име на ДЗС и се уредно тестирани. Тој истакна дека моменталното вклучување на специјалните возила е дел од поширок план за тестирање во реални услови:
„Како одговорен за овие возила, дадов наредба да се тестираат на терен – не само пумпите и капацитетот, туку и целата посада. Овие неколку дена ги третираме како тест фаза. Откако ќе се увериме дека се доволно ефикасни и безбедни, нивниот број ќе се зголемува согласно потребите“, додаде тој.
Во однос на досегашното искуство, Ангелов рече дека е задоволен од перформансите на специјалните возила.
Ладниот бран од северозапад преку алпскиот регион се спушти до Балканот и денес (вторник 8 јули) донесе снег на Словенските планини, односно снег падна на Кредарица, висока планина во Словенија.
Ладниот воздух понатаму ќе се спушта кон југ и југоисток од Балканот и до утре (среда 9 јули) доцна попладне и навечер, а особено ноќта кон четврток (10 јули) ќе стигне во нашата Република Македонија, условувајќи засилен ветер од северен правец (над 60/70 км/час) и истиот ќе услови нагло температурите да се спуштат дури за близу 15 степени во споредба од оние кои ги имаме сега.
Само утре (среда 9 јули) накратко во западните и во северните предели локално ќе има повеќе облачност која ќе услови појава на краткотраен дожд.
Значително посвежо ќе ни биде во четврток (10 јули) кога максималните дневни температури ќе се искачуваат во интервалот од 23 до 31 степен. Исто така од четврток (10 јули) па во деновите потоа утрата ќе бидат многу свежи и температурите на повеќе места ќе се спуштаат до околу, па и под 10 степени. Локално тие ќе се спуштаат дури и до околу 5 степени, особено на планинските и повисоките места, како и во Беровско.
Конечно по многу топлиот бран од југ, односно од Африка ќе здивнеме од горештините и ќе можеме да уживаме во значително попријатното, односно посвежо време, особено во ноќните и во утринските часови, кога ќе ни биде и потребна дури и потопла облека.
Центарот за управување со кризи (ЦУК) информира дека до 19.00 часот регистрирани се вкупно 23 пожари на отворен простор, од кои:
Активни: 11
Локализирани: 2
Изгаснати: 9
Под контрола: 1
Активни пожари има во:
Прилеп – с. Бешиште (мешана шума)
Македонски Брод – помеѓу с. Црешнево, с. Локвица и с. Слатина (дабова шума и грмушки)
Македонски Брод – с. Самоков (лесно запалив материјал)
Дебарца-Струга – с. Волино кон с. Ливада, Охрид (ниска вегетација и жито)
Чашка – под Солунска глава, меѓу Изворите на Бабуна и Бабина Дупка (чад во карпест терен)
Чучер Сандево – помеѓу с. Блаце и с. Чучер (мешана шума и ниска вегетација)
Чучер Сандево – Кучевишка бара (ниска вегетација)
Бутел – с. Лубанци (ниска вегетација)
Дојран – с. Николич (нискостеблеста шума)
Кавадарци – с. Крушевица (ниска вегетација)
Гостивар – автопат Гостивар-Тетово (ниска вегетација)
Локализирани се пожарите:
Делчево – градска депонија
Желино – с. Ларце (ниска вегетација и грмушки)
Под контрола е: Штип – с. Врсаково (жито)
Изгаснати пожари има во:
Чучер Сандево – црква Св. Недела (ниска вегетација)
Шуто Оризари – Њу Стар Хотел (депонија)
Гази Баба – парк-шума „Гази Баба“ (ниска вегетација)
Бутел – с. Лубанци (ниска вегетација)
Пробиштип – с. Петршино (ниска вегетација и стрниште)
Бутел – с. Визбегово (ѓубре)
Велес – поранешна фабрика Порцеланка (ниска вегетација)
Росоман – с. Сирково (ниска вегетација)
Липково – с. Никуштак (ниска вегетација)
-
Свет5 days agoМосква е во шок, сè уште не се свесни што се случи: Путин „лета“ од Кавказ, на сцена стапува нов и малку неочекуван играч!
-
Магазин4 days agoВирално видео од плажа поради кое луѓето не можат да престанат да се смеат: “Дама не се станува, дама се раѓа”
-
Балкан6 hours agoПрадедото на Коста – и тој извршил масакр: Крвава историја што се повторува?
-
Македонија3 days agoПодгответе се за невреме: Еве какво време ја очекува Македонија
-
Свет2 days agoАрмијата крена 20 борбени авиони – одмаздата започна уште рано наутро
-
Свет3 days agoГлавниот командант на украинската армија со страшно предупредување – ги откри плановите на руската армија
-
Свет3 days agoПутин ја испрати најострата порака до Западот досега: “Ќе биде уште полошо”
-
Економија3 days agoОдлични вести: Големо поевтинување на сите горива во Македонија – ова се новите цени!