Технологија

Пристигнуваат огромни промени на Инстаграм

Instagram воведува низа новитети и унапредувања со цел да го олесни користењето на апликацијата и да понуди поголема флексибилност и креативна слобода на своите корисници.

Меѓу најзначајните промени е интеграцијата со платформата Spotify, која сега е достапна преку функцијата Notes. Корисниците ќе можат во реално време да споделуваат песни што ги слушаат, а функцијата автоматски ќе се синхронизира со нивниот профил. Ова претставува надградба на досегашната можност „Add to Spotify“, овозможувајќи попрецизна и динамична врска меѓу двете платформи.

Новата опција автоматски ја ажурира песната во делот за привремен статус (Stories), елиминирајќи ја потребата за рачно додавање. Со тоа се овозможува побогато и поизразено споделување музика, што, според Instagram, е дел од пошироката кампања „Anyway“, насочена кон намалување на притисокот и анксиозноста поврзани со објавување содржини.

Корисниците ќе можат со допир на зелениот меур над профилната икона во Notes да го видат целосниот наслов на песната и изведувачот.

Дополнително, Instagram најави уште една функција која ќе им овозможи на корисниците да го уредуваат распоредот на објавите на нивниот профил. Наместо да бидат ограничени на обратно хронолошки редослед, сега ќе можат рачно да ја прилагодат позицијата на секоја објава, што е особено корисно за креаторите на содржини и брендовите што сакаат да ја контролираат визуелната презентација.

Се проширува и пристапот до тест-функцијата за Reels видеа, која им овозможува на креаторите да видат како нивните видеа се прифаќаат кај нова публика пред да бидат јавно објавени. Според Instagram, кај раните тест-корисници ова довело до зголемување на фреквенцијата на објавување за 40 отсто.

Сите овие промени се дел од поширока стратегија на Instagram за поддршка на корисниците, намалување на стресот при користење на платформата и поттикнување на креативноста и спонтаноста.

На крајот, од компанијата Meta потврдија дека работат и на Instagram апликација за iPad — функција која одамна ја бараат корисниците на Apple таблетите. Овој чекор треба да го подобри корисничкото искуство и да обезбеди доследна функционалност на сите уреди, вклучително и Android таблетите кои веќе имаат поддршка.

Технологија

Австралија забрани две нови социјални мрежи за деца под 16 години

Австралија додаде на листата социјални мрежи со ограничен пристап за деца под 16 години, Reddit и платформата Kick, кои од 10 декември ќе бидат забранети за регистрација и користење од помлади корисници.

Со ова, бројот на забранети платформи ќе се зголеми на девет, вклучувајќи ги и Facebook, X, Snapchat, TikTok, YouTube, Instagram и Threads, пренесува BBC.

Владата предупредува дека технолошките компании не преземаат „разумни чекори“ за да деактивираат сметки на малолетници или да спречат отворање нови, ќе можат да се казнат со парични казни до 32,5 милиони долари.

Забраната не се однесува на сервиси за пораки како Discord и WhatsApp, платформи за игри како Lego Play и Roblox, ниту на едукативни платформи како Google Classroom и YouTube Kids.

Иако тинејџерите под 16 години ќе можат да гледаат видеа на YouTube, нема да можат да креираат свои профили. Некои критичари истакнуваат ризици за приватност и точноста на софтверот за проверка на возраста, додека поддржувачите на менталното здравје сметаат дека забраната може да ја отежни комуникацијата на децата.

Технологија

Маск со нов удар – ја создаде „Грокипедија“, алтернатива на Википедија

Илон Маск и неговата компанија xAI ја лансираа „Грокипедија“ – нова онлајн енциклопедија која, според Маск, треба да биде „алтернатива и покоректен наследник на Википедија“.

Грокипедија е заснована на чатботот Grok, а првата верзија (0.1) веќе содржи над 885.000 дефиниции, во споредба со седум милиони на англиската Википедија. Маск најави дека верзијата 1.0 ќе биде „десет пати подобра“ и дека проектот нуди „вистина без цензура“.

Маск одамна ја обвинува Википедија за „левичарска пристрасност“, тврдејќи дека Грокипедија ќе биде непристрасна и отворена за сите. Сепак, дел од написите веќе предизвикаа контроверзии – пример, во текстот за движењето Black Lives Matter се нагласуваат немирите, но не се спомнува дека повеќето протести биле мирни.

Содржините ги создава вештачка интелигенција, која користи повеќе извори. Маск тврди дека тоа обезбедува „попрецизен и транспарентен систем на информации“. Проектот, меѓутоа, веќе е под лупа поради претходни контроверзии со Grok, што покажува дека борбата за доверба на јавноста допрва започнува.

Технологија

Chrome за Андроид доби нова корисна функција – корисниците ја обожаваат!

Chrome за Android воведе нова Gemini функција наречена „Summarize“, која овозможува лесно да добиете краток преглед на долг или сложен текст за полесно разбирање.

Опцијата е достапна во стандардната верзија на Android 16 и во најновото Android 16 QPR2 Beta 2 ажурирање. За да ја активирате, држете го копчето за исклучување на телефонот кога имате отворена страница со текст.

Gemini е визуелен асистент кој може да одговори на прашања, објасни делови од текстот или да спореди предмети спомнати на страницата. Новото копче „Summarize“ дава краток преглед на содржината на страницата.

Иако можеби уште не е достапна за сите, функцијата наскоро ќе пристигне на сите уреди со Android.