Скопје
Ѓорѓиевски: Расадник добива нова градинка за 120 деца
Во населбата Расадник започна изградбата на нова, современа детска градинка со капацитет за 120 деца, од кои две занимални ќе бидат наменети за јасли. Објектот ќе се простира на површина од 800 квадратни метри и претставува дел од поширокиот план за целосно затворање на листите на чекање за прием во градинки во општина Кисела Вода.
Градоначалникот Орце Ѓорѓиевски изјави дека проектот се реализира со одлична динамика и е резултат на заложбата секое дете да добие сигурно и модерно место за згрижување. Тој потсети дека при преземањето на функцијата, повеќе од 400 деца биле на листите на чекање, но со изградбата на оваа, како и на градинките во 11 Октомври и Потстаница, ќе се овозможи прием за сите деца од општината, како и за деца од соседните општини.
„Ова не е само инвестиција во инфраструктура, туку инвестиција во иднината. Обезбедуваме топол, безбеден и модерен простор за секое дете, а истовремено го олеснуваме секојдневието на родителите“, изјави Ѓорѓиевски.
Тој упати благодарност до Владата на Република Македонија, премиерот Христијан Мицкоски, Министерството за труд и социјална политика и сите институции и лица вклучени во реализацијата на проектот.
Орце Ѓорѓиевски денес го помина целиот ден во општина Гази Баба, каде заедно со градоначалникот Бобан Стефковски го посветија вниманието на младите, кои ги нарече двигател на општеството и најголема надеж за иднината на Македонија.
„Во нивните очи гледаме енергија и храброст, а во нивните идеи – нова перспектива. Нашата обврска е да создадеме услови тие да останат тука, дома – со можности за образование, работа, култура и достоинствен живот,“ изјави Ѓорѓиевски.
Тој истакна дека како Град Скопје, заедно со Владата, ќе се вложат сите ресурси во развој на младите, со конкретни политики што ќе ги слушаат, вклучуваат и ќе им дадат простор за реализација на идеи.
Ѓорѓиевски порача дека визијата за Гази Баба и за Скопје е јасна – да се изгради општество во кое секој млад човек ќе може не само да сонува, туку и да ги реализира своите соништа.
„Тие не се само иднината – тие се сегашноста. Ќе создадеме систем што ги препознава и поддржува, бидејќи само така можеме да изградиме гордо и силно Скопје,“ додаде Ѓорѓиевски.
Орце Ѓорѓиевски денес беше во посета на Општина Гази Баба, каде заедно со градоначалникот Бобан Стефковски оствари средба со пензионерите и го посети новоотворениот Клуб на пензионери – шести по ред во мандатот на Стефковски.
„Ова се дела што зборуваат. Боби покажува како изгледа вистинска грижа за нашите баби и дедовци, преку отворање клубови, финансиска поддршка за пензионерите со ниски примања, здравствена грижа и организирање настани,“ истакна Ѓорѓиевски.
Тој нагласи дека почитта и вниманието кон постарите генерации мора да останат врвен приоритет за секоја институција и заедница, бидејќи тие се столбот врз кој е изградена современата Македонија.
Во своето обраќање, Ѓорѓиевски додаде дека со заедничка работа и поддршка, Гази Баба ќе продолжи да се развива во секоја сфера, носејќи реални решенија и подобри услови за живот за сите генерации.
„Ќе инвестираме таму каде што никој досега немал ни план, и ќе создаваме иднина тука – дома,“ порача Ѓорѓиевски.
-
Балкан7 hours agoПрадедото на Коста – и тој извршил масакр: Крвава историја што се повторува?
-
Свет5 days agoМосква е во шок, сè уште не се свесни што се случи: Путин „лета“ од Кавказ, на сцена стапува нов и малку неочекуван играч!
-
Магазин4 days agoВирално видео од плажа поради кое луѓето не можат да престанат да се смеат: “Дама не се станува, дама се раѓа”
-
Македонија3 days agoПодгответе се за невреме: Еве какво време ја очекува Македонија
-
Свет2 days agoАрмијата крена 20 борбени авиони – одмаздата започна уште рано наутро
-
Свет3 days agoГлавниот командант на украинската армија со страшно предупредување – ги откри плановите на руската армија
-
Свет3 days agoПутин ја испрати најострата порака до Западот досега: “Ќе биде уште полошо”
-
Економија3 days agoОдлични вести: Големо поевтинување на сите горива во Македонија – ова се новите цени!