Две девојчиња и едно момче на возраст меѓу 11 и 13 години од јуни годинава го тероризираат Белград со ограбување на аптеки, јавува Телеграф.рс. Според неофицијални информации, тројцата малолетници стојат зад над 100 кривични дела, користејќи закани со спреј за бибер и шрафцигери за да ја одземат парите и телефоните од фармацевтите.

Според соговорници, малолетниците делуваат со изненадувачка организираност: „Тие влегуваат во аптеката кога нема муштерии и фармацевтот е сам. Девојчињата и момчето се распоредуваат на три страни за да го одвлечат вниманието и да извршат грабеж.“

Српскиот закон не предвидува кривична одговорност за лица под 14 години, па и покрај приведувањата од страна на полицијата и известувањата до Центарот за социјална работа, малолетниците веднаш се враќаат на улица. „Законот и мерките за социјална заштита едноставно не нудат механизми за нивно притворање и контрола“, додава соговорникот.

Криминолозите предупредуваат дека ваквите случаи се аларм за државата. „Овие деца усвоија брутални методи уште во основно училиште и ја искористија законската дупка. Додека не наполнат 14 години, апсолутно не се соочуваат со никаква казна или кривична постапка, што ја зголемува веројатноста да станат сериозни деликвенти во иднина“, велат експертите.

Системот за социјална заштита и законодавството во Србија остануваат немоќни пред ваквите млади банди, кои продолжуваат да талкаат низ улиците на Белград и да вршат нови ограбувања.

Во белградската населба Вождовац, татко и ќерка завршија во болница по брутален напад што се случил во еден супермаркет, јавуваат српските медиуми. Инцидентот се случил на 8 ноември, а осомничен за нападот е 42-годишен маж со иницијали П.М.

Според информациите, 71-годишниот Ј.Д. бил во маркетот заедно со својата 40-годишна ќерка М.Д., кога меѓу нив и напаѓачот дошло до вербална расправија. По кратко недоразбирање, осомничениот нападнал и двајцата, нанесувајќи им удари по глава и телото.

Полицијата веднаш интервенирала, а повредените биле префрлени во Ургентниот центар, каде што им биле констатирани телесни повреди. Против осомничениот е поднесена кривична пријава за насилничко однесување.

Мотивот за нападот сè уште не е познат, ниту пак дали сторителот претходно ги познавал жртвите. Жителите од овој дел на Белград за локалните медиуми изразуваат загриженост и велат дека вакви инциденти стануваат се почести, барајќи засилени мерки за безбедност во јавните простори.

Шефот на Мисијата на ОБСЕ во Косово, амбасадорот Џерард Мекгурк, високо ја оцени работата на Централната изборна комисија (ЦИК) и на сите кои учествуваа во организацијата на вториот круг од локалните избори во 18 од вкупно 38 општини.

– Со затворањето на гласачките места, им честитам на претседателот на ЦИК, Крешник Радониќи, и на сите кои беа вклучени во управувањето и организацијата на изборниот процес, истакна Мекгурк.

Тој посочи дека посветеноста и професионализмот на изборните институции го зајакнале демократскиот процес во земјата.

– Вашиот професионализам и посветеност ги зајакнаа демократските процеси во Косово. Честитки до сите новоизбрани и повторно избрани градоначалници – вашата работа со и за вашите заедници почнува веднаш. Се радувам на наскоро средба со вас, додаде Мекгурк.