Connect with us

Македонија

Состојба со пожарите во Македонија: 4 активни, 2 локализирани и 24 изгаснати пожари

Published

on

Известување за состојбата со пожарите на отворен простор во Македонија (04/05.07.2025 до 08:00 часот)

Според последните податоци од Центарот за управување со кризи, на територијата на земјата се регистрирани вкупно 30 пожари на отворен простор. Од нив, активни се четири пожари, два се локализирани, додека 24 пожари се целосно изгаснати.

Активни пожари (4):

Општина Прилеп: село Бешиште, каде што гори приземен пожар во квалитетна мешана шума. Исто така, обновен е крак на пожарот кај село Градешница во општина Новаци.

Општина Македонски Брод: село Црешнево, каде што гори деградирана дабова шума и грмушки.

Општина Арачиново: село Орланци, каде што гори ниска вегетација и ниска стеблеста шума.

Општина Зрновци: село Зрновци, каде што гори стрниште и шума.

Локализирани пожари (2):

Општина Македонска Каменица: село Мошица, борова шума.

Општина Делчево: Градска депонија Делчево.

Изгаснати пожари (24):

Пожари беа регистрирани и изгаснати во повеќе општини, меѓу кои Шуто Оризари, Сарај, Гази Баба, Студеничани, Чаир, Петровец, Илинден, Ѓорче Петров, Ресен, Прилеп, Радовиш, Валандово, Тетово, Гостивар, Кочани, Штип, Куманово и Свети Николе. Овие пожари беа на различен терен и типови на вегетација, од ниска вегетација, стрништа, лозја, дрвја и овошни насади до депонии и урбани области.

Центарот за управување со кризи ги повикува граѓаните на претпазливост и почитување на мерките за заштита од пожари, со цел да се спречи нивно повторно појавување и да се заштити животната средина.

Македонија

Ангелов задоволен од специјалните возила – се тестираат во реални услови

Published

on

Две специјални противпожарни возила на Дирекцијата за заштита и спасување (ДЗС) беа ангажирани во гаснењето на пожарот во Скопско, кој траеше во текот на вчерашниот и денешниот ден. Станува збор за „Хермелин“ со цистерна од 6 тона и „Пинцгауер“ со капацитет од 1,5 тон вода.

Директорот на ДЗС, Стојанче Ангелов, објасни дека употребата на БТР-80 не била можна поради специфичната конфигурација на теренот:

„Бидејќи се оперираше низ населени места со стрмни и тесни улици и остри кривини, сметав дека не е безбедно да се користи БТР-80. Наместо тоа, подготвивме две возила за можен транспорт до фабриката ‘Самоков’, кои со своите резервоари од 6 тона и моќни пумпи со дострел до 100 метри, можат значително да помогнат при одбрана на објектот“, изјави Ангелов.

Поради тоа што пожарот бил ставен под контрола пред да се приближи до фабриката, овие возила не биле испратени таму.

Ангелов потенцира дека сите возила имаат технички преглед, се регистрирани на име на ДЗС и се уредно тестирани. Тој истакна дека моменталното вклучување на специјалните возила е дел од поширок план за тестирање во реални услови:

„Како одговорен за овие возила, дадов наредба да се тестираат на терен – не само пумпите и капацитетот, туку и целата посада. Овие неколку дена ги третираме како тест фаза. Откако ќе се увериме дека се доволно ефикасни и безбедни, нивниот број ќе се зголемува согласно потребите“, додаде тој.

Во однос на досегашното искуство, Ангелов рече дека е задоволен од перформансите на специјалните возила.

Continue Reading

Македонија

СНЕГ ВО СЛОВЕНИЈА: Ладниот бран од северозапад се спушта кон Македонија!

Published

on

Ладниот бран од северозапад преку алпскиот регион се спушти до Балканот и денес (вторник 8 јули) донесе снег на Словенските планини, односно снег падна на Кредарица, висока планина во Словенија.

Ладниот воздух понатаму ќе се спушта кон југ и југоисток од Балканот и до утре (среда 9 јули) доцна попладне и навечер, а особено ноќта кон четврток (10 јули) ќе стигне во нашата Република Македонија, условувајќи засилен ветер од северен правец (над 60/70 км/час) и истиот ќе услови нагло температурите да се спуштат дури за близу 15 степени во споредба од оние кои ги имаме сега.

Само утре (среда 9 јули) накратко во западните и во северните предели локално ќе има повеќе облачност која ќе услови појава на краткотраен дожд.

Значително посвежо ќе ни биде во четврток (10 јули) кога максималните дневни температури ќе се искачуваат во интервалот од 23 до 31 степен. Исто така од четврток (10 јули) па во деновите потоа утрата ќе бидат многу свежи и температурите на повеќе места ќе се спуштаат до околу, па и под 10 степени. Локално тие ќе се спуштаат дури и до околу 5 степени, особено на планинските и повисоките места, како и во Беровско.

Конечно по многу топлиот бран од југ, односно од Африка ќе здивнеме од горештините и ќе можеме да уживаме во значително попријатното, односно посвежо време, особено во ноќните и во утринските часови, кога ќе ни биде и потребна дури и потопла облека.

Continue Reading

Македонија

На територијата на Македонија вкупно 23 пожари – активни 11

Published

on

Центарот за управување со кризи (ЦУК) информира дека до 19.00 часот регистрирани се вкупно 23 пожари на отворен простор, од кои:

Активни: 11
Локализирани: 2
Изгаснати: 9
Под контрола: 1
Активни пожари има во:

Прилеп – с. Бешиште (мешана шума)
Македонски Брод – помеѓу с. Црешнево, с. Локвица и с. Слатина (дабова шума и грмушки)
Македонски Брод – с. Самоков (лесно запалив материјал)
Дебарца-Струга – с. Волино кон с. Ливада, Охрид (ниска вегетација и жито)
Чашка – под Солунска глава, меѓу Изворите на Бабуна и Бабина Дупка (чад во карпест терен)
Чучер Сандево – помеѓу с. Блаце и с. Чучер (мешана шума и ниска вегетација)
Чучер Сандево – Кучевишка бара (ниска вегетација)
Бутел – с. Лубанци (ниска вегетација)
Дојран – с. Николич (нискостеблеста шума)
Кавадарци – с. Крушевица (ниска вегетација)
Гостивар – автопат Гостивар-Тетово (ниска вегетација)
Локализирани се пожарите:

Делчево – градска депонија
Желино – с. Ларце (ниска вегетација и грмушки)
Под контрола е: Штип – с. Врсаково (жито)

Изгаснати пожари има во:

Чучер Сандево – црква Св. Недела (ниска вегетација)
Шуто Оризари – Њу Стар Хотел (депонија)
Гази Баба – парк-шума „Гази Баба“ (ниска вегетација)
Бутел – с. Лубанци (ниска вегетација)
Пробиштип – с. Петршино (ниска вегетација и стрниште)
Бутел – с. Визбегово (ѓубре)
Велес – поранешна фабрика Порцеланка (ниска вегетација)
Росоман – с. Сирково (ниска вегетација)
Липково – с. Никуштак (ниска вегетација)

Continue Reading
Advertisement
Advertisement

Трендинг