Министерството за внатрешни работи информира дека вечерва, поради снимање на филм, ќе биде воведен посебен сообраќаен режим во центарот на Скопје.
Од 20:00 до 04:00 часот утре, за сообраќај во двете насоки ќе биде затворен булеварот „11-ти Октомври“, на потегот од крстосницата со улицата „Даме Груев“ до крстосницата со булеварот „Кочо Рацин“.
Сообраќајот ќе биде пренасочен по околните улици, а од МВР апелираат до граѓаните да покажат разбирање и да ги следат насоките од полициските службеници на терен.
Од Министерството додаваат дека сите мерки се преземаат со цел безбедно и непречено одвивање на снимањето и нормално функционирање на сообраќајот во останатиот дел од градот.
