ОВР Струга поднесе кривична пријава против А.Л.(26) од дебарското село Џепиште, поради постоење основи на сомнение дека ги сторил кривичните дела „грабнување“ и „полов напад и силување“, како и против Е.В.(18) од дебарското село Отишани, поради постоење основи на сомнение за сторено кривично дело „грабнување“. Тие на 06.11.2025 околу 19 часот, во село во дебарско, од куќниот двор насилно внеле 30-годишна жена во патничко возило „ауди“, кое го управувал Е.В. и се упатиле кон напуштен објект во близина на Струга, каде А.Л. физички ја нападнал, а оштетената паднала во бессознание, по што тој ја силувал.

Потоа, го повикал Е.В. и со возилото ја однеле во Општата болница во Струга. Сторителите се пронајдени и лишени од слобода, по што против нив е поднесена кривична пријава.

Градоначалникот на општина Пробиштип, Тони Тоневски, денес присуствуваше на одбележувањето на празникот посветен на светиот великомаченик Димитриј Мироточив – Митровден во селото Турско Рудари. Во заедништво со жителите и верниците, беше одбележан празникот кој има длабока духовна и традициска вредност за овој крај.

„Нека свети Димитриј донесе мир, здравје и спокој во секој дом,“ порача Тоневски, упатувајќи честитка до сите православни верници и жители на општината.

Тој додаде дека ваквите празници се важни за зачувување на заедништвото, духовноста и традицијата, кои се дел од идентитетот на локалната заедница.

„Честит и благословен празник на сите,“ истакна градоначалникот Тоневски.

На 08.11.2025 во 02:53 часот во Валандово, полициски службеници од СВР Струмица-ОВР Валандово го лишија од слобода В.М.(49) од Валандово. При контрола на патниот сообраќај, полициските службеници сопреле патничко возило „фолксваген“ со гевгелиски регистарски ознаки и по преземените мерки било утврдено дека В.М. го управувал возилото под дејство на алкохол, односно дека има 1.82 промили алкохол во крвта.

На 08.11.2025 во 03:05 часот на бул. „1 Мај“ во Битола, полициски службеници од СВР Битола го лишија од слобода Ф.Д.(26) од с.Цапари, битолско. При контрола во сообраќајот, полициските службеници сопреле патничко возило „опел” со битолски регистарски ознаки, при што било утврдено дека Ф.Д. е под дејство на алкохол, односно измерени му биле 1.69 промили алкохол во крвта.

На 08.11.2025 во 01:16 часот на ул. „Македонска фаланга“ во Битола, полициски службеници од СВР Битола го лишија од слобода Љ.В.(57) од Битола. При контрола во сообраќајот, полициските службеници сопреле патничко возило „фиат” со битолски регистарски ознаки, управувано од Љ.В., при што е констатирано дека возилото го управувал под дејство на алкохол, односно измерени му се 1,98 промили алкохол во крвта.

На 07.11.2025 во 23:12 часот на ул.„Тошо Даскало“ во Битола, полициски службеници од СВР Битола го лишија од слобода Н.С.(36) од Битола. При контрола во сообраќајот, полициските службеници сопреле патничко возило „пасат“ со битолски регистарски ознаки, при што било констатирано дека Н.С. го управувал возилото под дејство на алкохол, односно измерени му биле 1,79 промили алкохол во крвта.

На 08.11.2025 во 01:40 часот на ул. „Теодосиј Паунов“ во Кочани, полициски службеници од ОВР Кочани го лишија од слобода С.С. (32) од с. Оризари. При контрола во сообраќајот, полициските службеници сопреле патничко возило „фолксваген поло“, при што било констатирано дека С.С. го управувал возилото под дејство на алкохол, односно измерени му биле 1,52 промили алкохол во крвта.

По целосно документирање на настаните, ќе бидат поднесени кривични пријави за сторени кривични дела „безобѕирно управување со моторно возило“ по член 297-а од Кривичниот законик.