Црна Хроника

Страшна сообраќајка во Скопје: Пензионер загина во страшен судар со „Ауди“

МВР информира дека на 27 септември 2025 година, околу 08:15 часот, на патот Горно Лисиче – Долно Лисиче во Скопје, патничко возило „Ауди А6“ со скопски регистарски ознаки управувано од 30-годишниот Г.Д. удрило во 83-годишниот пешак Т.Ѓ.

Повредите на Т.Ѓ. биле тешки, поради што бил пренесен во Комплекс клиники „Мајка Тереза“ Скопје, каде што подоцна починал. Лекар ја констатирал смртта, а увид на местото на несреќата извршиле јавен обвинител и екипа од СВР Скопје.

По насоки на јавниот обвинител, возачот Г.Д. е лишен од слобода, а по целосно документирање на случајот ќе следува соодветна кривична пријава.

Црна Хроника

Апсење во повеќе градови низ државата – МВР со детали

Пет лица се приведени во Ресен, Битола, Куманово и Берово, поради управување моторни возила под дејство на алкохол, соопшти МВР.

Во Ресен, околу 02:10 часот на ул. „Ленинова“, полициски службеници го привеле Б.Л. (45) од с. Царев Двор, кај кого биле измерени 2,78 промили алкохол во крвта. Тој управувал патничко возило „пежо“ со ресенски регистарски таблици.

Нешто подоцна, во 02:19 часот во Битола, на ул. „Новачки пат“, бил приведен А.М. (19) од с. Логоварди, кој возел „голф“ со 1,64 промили алкохол во крвта.

Во друг случај во Битола, на ул. „Партизанска“, е приведен Б.Б. (44) откако било утврдено дека управувал „шевролет“ со 2,55 промили алкохол.

Во Куманово, на булевар „Трета македонска ударна бригада“, полициската станица за безбедност на патниот сообраќај привела државјанин на Србија, З.Д. (44), кој возел „голф“ со 1,74 промили алкохол.

Во с. Будинарци, на регионалниот пат Берово–Виница, бил приведен М.П. (54) од с. Митрашинци, по сообраќајна незгода во која учествувал со „пежо“. При тестирање, кај него биле утврдени 1,83 промили алкохол.

По целосна обработка на случаите, против сите ќе бидат поднесени пријави по член 297-а од Кривичниот законик за „безобѕирно управување со моторно возило“.

Црна Хроника

Внимвајте нов обид за измама во Тетово – со наводна сообраќајка на ќерката

На 08.11.2025 во 13:00 часот во СВР Тетово, 81- годишник од Тетово, пријавил обид за измама, односно дека на домашниот фиксен телефон тој добил телефонски повици од непознати броеви, при што наводен адвокат и наводен лекар му рекле дека неговата ќерка имала сообраќајна незгода и прегазила 15- годишно дете, кое починало на лице место, додека ќерка му има тешки телесни повреди и ако сака да ја спаси требало да даде 40.000 евра. Но, бидејќи се посомневал дека станува збор за измама, случајот го пријавил во полиција. Се преземаат мерки за расчистување на случајот.

Црна Хроника

Ресенчанец фатен пијан со рекордни 2,78 промили додека возел низ град

Ноќеска, на 09.11.2025 во 02:10 часот, полициски службеници од ОВР Ресен го лишија од слобода Б.Л. (45) од с. Царев Двор, ресенско, кој бил фатен додека управувал патничко возило „пежо“ со ресенски регистарски ознаки под дејство на алкохол.

При контрола, кај возачот биле измерени дури 2,78 промили алкохол во крвта, што ја става неговата состојба во категоријата „екстремно пијан“. Возачот бил отстранет од сообраќај, а против него ќе биде поднесена пријава за „безобѕирно управување со моторно возило“, казниво според член 297А од Кривичниот законик.