Технологија

Џеф Безос најави гигантски проекти во вселената

Основачот на „Амазон“, Џеф Безос, најави амбициозен план за изградба на гигантски центри за податоци во вселената во наредните 10 до 20 години, со цел тие со време да ги надминат сите постоечки центри на Земјата.

На „Italian Tech Week“ во Торино, во разговор со претседателот на „Ферари“ и „Стелантис“, Џон Елкан, Безос изјави дека вселенските центри ќе користат постојан извор на соларна енергија, што ќе им овозможи да бидат поефикасни и поодржливи од земјените центри.

„Тешко е точно да се каже кога, но веројатно за повеќе од десет години – а сигурен сум дека нема да поминат повеќе од дваесет – ќе започнеме со изградба на овие огромни гига-ватни центри за податоци во вселената“, рече Безос.

Според извештајот на „Reuters“, идејата за вселенски центри за податоци сè повеќе привлекува внимание на големите технолошки компании, бидејќи потребата за енергија и вода за ладење на серверите на Земјата постојано расте.

„Овие гигантски кластер-центри е подобро да се градат во вселената, бидејќи таму имаме соларна енергија 24 часа на ден, седум дена во неделата. Без облаци, без дожд, без бура – тоа значи дека ќе можеме значително да ги намалиме трошоците во споредба со центрите на Земјата“, објасни Безос.

Според него, вселенските центри за податоци би можеле да станат клучна инфраструктура за иднината, особено со оглед на експоненцијалниот раст на вештачката интелигенција и cloud-технологиите кои бараат сè поголеми пресметувачки капацитети.

Технологија

Австралија забрани две нови социјални мрежи за деца под 16 години

Австралија додаде на листата социјални мрежи со ограничен пристап за деца под 16 години, Reddit и платформата Kick, кои од 10 декември ќе бидат забранети за регистрација и користење од помлади корисници.

Со ова, бројот на забранети платформи ќе се зголеми на девет, вклучувајќи ги и Facebook, X, Snapchat, TikTok, YouTube, Instagram и Threads, пренесува BBC.

Владата предупредува дека технолошките компании не преземаат „разумни чекори“ за да деактивираат сметки на малолетници или да спречат отворање нови, ќе можат да се казнат со парични казни до 32,5 милиони долари.

Забраната не се однесува на сервиси за пораки како Discord и WhatsApp, платформи за игри како Lego Play и Roblox, ниту на едукативни платформи како Google Classroom и YouTube Kids.

Иако тинејџерите под 16 години ќе можат да гледаат видеа на YouTube, нема да можат да креираат свои профили. Некои критичари истакнуваат ризици за приватност и точноста на софтверот за проверка на возраста, додека поддржувачите на менталното здравје сметаат дека забраната може да ја отежни комуникацијата на децата.

Технологија

Маск со нов удар – ја создаде „Грокипедија“, алтернатива на Википедија

Илон Маск и неговата компанија xAI ја лансираа „Грокипедија“ – нова онлајн енциклопедија која, според Маск, треба да биде „алтернатива и покоректен наследник на Википедија“.

Грокипедија е заснована на чатботот Grok, а првата верзија (0.1) веќе содржи над 885.000 дефиниции, во споредба со седум милиони на англиската Википедија. Маск најави дека верзијата 1.0 ќе биде „десет пати подобра“ и дека проектот нуди „вистина без цензура“.

Маск одамна ја обвинува Википедија за „левичарска пристрасност“, тврдејќи дека Грокипедија ќе биде непристрасна и отворена за сите. Сепак, дел од написите веќе предизвикаа контроверзии – пример, во текстот за движењето Black Lives Matter се нагласуваат немирите, но не се спомнува дека повеќето протести биле мирни.

Содржините ги создава вештачка интелигенција, која користи повеќе извори. Маск тврди дека тоа обезбедува „попрецизен и транспарентен систем на информации“. Проектот, меѓутоа, веќе е под лупа поради претходни контроверзии со Grok, што покажува дека борбата за доверба на јавноста допрва започнува.

Технологија

Chrome за Андроид доби нова корисна функција – корисниците ја обожаваат!

Chrome за Android воведе нова Gemini функција наречена „Summarize“, која овозможува лесно да добиете краток преглед на долг или сложен текст за полесно разбирање.

Опцијата е достапна во стандардната верзија на Android 16 и во најновото Android 16 QPR2 Beta 2 ажурирање. За да ја активирате, држете го копчето за исклучување на телефонот кога имате отворена страница со текст.

Gemini е визуелен асистент кој може да одговори на прашања, објасни делови од текстот или да спореди предмети спомнати на страницата. Новото копче „Summarize“ дава краток преглед на содржината на страницата.

Иако можеби уште не е достапна за сите, функцијата наскоро ќе пристигне на сите уреди со Android.