Република

Средба на Коњановски со просветните работници – образованието во фокусот на идниот развој на Битола

Кандидатот за градоначалник на Општина Битола, Тони Коњановски, денеска оствари средба со просветни работници и други чинители во образовниот процес од основните и средните училишта во градот.

На средбата, Коњановски го нагласи значењето на континуираното вложување во образованието, потенцирајќи дека во изминатиот период биле спроведени бројни активности за подобрување на условите во училиштата и унапредување на наставниот процес во соработка со директорите на образовните институции.

„Образованието е темел на развојот на нашата заедница. Наставниците и професорите, со својата посветеност и љубов кон учениците, се најважниот двигател на напредокот“, истакна Коњановски, изразувајќи благодарност до сите кои секојдневно вложуваат во воспитно-образовниот процес.

Присутните разговараа и за нови идеи и предлози за унапредување на инфраструктурата, дигитализацијата, вложувањата во спортски игралишта и воведување на фотоволтаични системи за заштеда на електрична енергија во училиштата.

Коњановски нагласи дека неговиот фокус ќе остане на создавање современи услови за образование и на поддршка на наставниот кадар како клучен фактор во развојот на младите и иднината на Битола.

Република

Магистралниот пат Струмица – Ново Село привремено затворен по сообраќајка

Сообраќајот на магистралниот пат А4, од Струмица кон Ново Село, е целосно прекинат поради сообраќајна несреќа.

„Од 14:10 часот сообраќајот на магистралниот пат А4, Струмица – Ново Село (пред влезот за Ново Село) е во целосен прекин поради случена сообраќајна незгода“, информираат од АМСМ.

Дополнителни детали за несреќата ќе бидат објавени од МВР во текот на денешниот или утрешниот ден.

Република

Коњановски: Џип турнеја низ Пелистер во чест на Денот на ослободувањето на Битола

Клубот „Offroad Pelister“ организираше џип турнеја низ природните убавини на Битолскиот регион, како дел од програмата за одбележување на 4 ноември – Денот на ослободувањето на Битола. Учесниците имаа можност да уживаат во предизвикувачките терени и впечатливите пејзажи на Пелистер, со што уште еднаш беше истакната туристичката и рекреативната вредност на регионот.

Градоначалникот на Битола, Тони Коњановски, истакна дека ваквите активности го промовираат активниот туризам и го приближуваат природното богатство на општината до граѓаните и посетителите. Според него, Пелистер и неговите патеки се идеален простор за љубителите на авантурите и рекреативните спортови.

Настанот привлече голем број учесници и поддржувачи, а организаторите најавуваат дека вакви турнеи ќе продолжат и во иднина, со цел дополнително зајакнување на туристичката понуда на Битола.

Република

Лишени од слобода две лица од дебарско, поднесена кривична пријава за „грабнување“ и „полов напад и силување“

ОВР Струга поднесе кривична пријава против А.Л.(26) од дебарското село Џепиште, поради постоење основи на сомнение дека ги сторил кривичните дела „грабнување“ и „полов напад и силување“, како и против Е.В.(18) од дебарското село Отишани, поради постоење основи на сомнение за сторено кривично дело „грабнување“. Тие на 06.11.2025 околу 19 часот, во село во дебарско, од куќниот двор насилно внеле 30-годишна жена во патничко возило „ауди“, кое го управувал Е.В. и се упатиле кон напуштен објект во близина на Струга, каде А.Л. физички ја нападнал, а оштетената паднала во бессознание, по што тој ја силувал.

Потоа, го повикал Е.В. и со возилото ја однеле во Општата болница во Струга. Сторителите се пронајдени и лишени од слобода, по што против нив е поднесена кривична пријава.