Connect with us

Црна Хроника

Брутални бројки: 514 казни за брзина и 22 апсења за опасно возење!

Од почетокот на месец октомври 2.267 сообраќајни прекршоци, лишени од слобода 22 лица за безобзирно управување на возило согласно член 297-а од Кривичниот законик

Во периодот од 01.10.2025-05.10.2025 како резултат на редовните сообраќајни контроли што ги реализираат полициските службеници од сите сектори за внатрешни работи на патиштата низ земјава, од вкупно 2.267 издадени платни налози, 514 прекршоци се однесуваат на возачи кои не ја почитувале пропишаната брзина на движење.

Лишени од слобода за безобзирно управување на возило согласно член 297-а од Кривичниот законик се 22 лица, од кои 18 за возење под дејство на алкохол, четворица за возење со брзина поголема од дозволената во населено место.

Понатаму, според статистичкиот преглед од полициските активности, евидентирани се 605 прекршоци за неправилно паркирање, 258 мерки се изречени за возачи што управувале возило без возачка дозвола, како и 73 санкции за возење под дејство на алкохол.

Од друга страна пак, согласно одредбите од Законот за безбедност на сообраќајот на патиштата санкционирани биле 32 возачи на мотоцикли за неносење заштитен шлем, а санкционирани се и тројца пешаци и 26 возачи на електрични тротинети. Исто така санкционирани се 111 учесници во сообраќајот кои што не користеле сигурносен појас. Согласно Законот за возила, 73 возила биле отстранети од сообраќај заради тоа што биле нерегистрирани, а 29 заради техничка неисправност. Санкционирани се и 30 возачи поради неисполнување на пропишаните услови во однос на затемнувањето на стаклата на возилата (фолии).

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта.

Advertisement

Црна Хроника

Скопјанец приведен по закани со пиштол во угостителски објект

На 06.11.2025 во 16:15 часот, полициски службеници од СВР Скопје го лишија од слобода И.С.(32) од Скопје, по претходна пријава од вработен во угостителски објект.

Според пријавата, околу 13:35 часот, И.С. извадил пиштол, го репетирал и им се заканувал на вработените, по што го напуштил објектот. При преглед кај него биле пронајдени и одземени бела грутчеста материја, бела прашкаста материја, таблети и пиштол на дијаболи.

По целосно документирање на настанот, ќе следува соодветен поднесок.

Continue Reading

Црна Хроника

Скопјанец пријави семејно насилство – сопругата и синот го нападнале

На 06.11.2025, во 18:30 часот во СВР Скопје, 66-годишен маж од Скопје пријавил дека околу 14:00 часот бил физички нападнат во семејниот дом на подрачјето на Центар од неговата сопруга Ј.А.(51) и неговиот син.

Полицијата презема мерки за целосно расчистување на случајот.

Continue Reading

Црна Хроника

Татко и син од осомничени за лихварство – заработиле над 700.000 денари од заем

На 06.11.2025, полициски службеници од ОВР Кавадарци ги лишиле од слобода Н.С.(59) и неговиот син Р.С.(34) од Кавадарци поради сомнение за кривично дело „лихварство“ по член 260 од Кривичниот законик.

Според пријавеното, во јуни 2023, 71-годишен жител на Неготино позајмил околу 80.000 денари од нив со договор за враќање од по 20.000 денари неделно. Поради неплаќање на обврските, Н.С. и Р.С. постојано му пресметувале камата и го зголемувале долгот, па на крајот оштетениот исплатил над 700.000 денари.

По издадена судска наредба, полицијата извршила претрес во домот на осомничените, при што биле пронајдени предмети поврзани со делото. Известен е јавен обвинител, а по целосно документирање на случајот ќе биде поднесена соодветна пријава.

Continue Reading
Advertisement

Advertisement

Advertisement
Advertisement

Advertisement

Advertisement

Advertisement

Advertisement

Advertisement

Advertisement

Трендинг