Република

Проданоски најави модерни инфраструктурни проекти за трансформација на Прилеп

Кандидатот за градоначалник на Прилеп од ВМРО-ДПМНЕ, Дејан Проданоски, во гостување во емисијата „Топ Тема“ на Телма претстави планови за голема инфраструктурна офанзива која треба значително да го подобри сообраќајот и квалитетот на животот во градот.

Проданоски посочи дека приоритет ќе биде решавањето на сообраќајниот метеж и намалувањето на загадувањето, со што централното градско подрачје ќе стане побезбедно и пофункционално.

– Планираме изградба на две обиколници, Исток и Запад, кои ќе го одведат товарниот сообраќај од центарот, со што ќе се намали бучавата и загадувањето – истакна Проданоски. Тој додаде дека се предвидува и изградба на улицата Александар Македонски како нов влез кон стопанскиот двор, како и реконструкција на улицата Орде Чопела за поефикасен проток на возила низ градот.

Во економскиот дел на програмата, Проданоски најави развој на нов стратешки план за Прилеп, поддршка за млади, бизниси и занаетчии, како и продажба на неизградено земјиште за отворање нови индустриски капацитети.

– Очекувам во технолошко-индустриската зона да се отворат нови капацитети, што ќе донесе економски подем за градот. Средства има, само треба правилно да се насочат – рече Проданоски.

Кандидатот најави и воведување дигитални алатки за побрза и поефикасна обработка на даноци и комунални обврски, што ќе им овозможи на граѓаните да плаќаат давачки без чекање.

– Целта е општината да стане модерна, ефикасна и ориентирана кон граѓаните – додаде тој.

Проданоски ја заврши својата порака со повик до прилепчани за заедничко создавање на уреден, функционален и економски жив Прилеп, град кој ќе биде пример за локален развој.

Република

Магистралниот пат Струмица – Ново Село привремено затворен по сообраќајка

Сообраќајот на магистралниот пат А4, од Струмица кон Ново Село, е целосно прекинат поради сообраќајна несреќа.

„Од 14:10 часот сообраќајот на магистралниот пат А4, Струмица – Ново Село (пред влезот за Ново Село) е во целосен прекин поради случена сообраќајна незгода“, информираат од АМСМ.

Дополнителни детали за несреќата ќе бидат објавени од МВР во текот на денешниот или утрешниот ден.

Република

Коњановски: Џип турнеја низ Пелистер во чест на Денот на ослободувањето на Битола

Клубот „Offroad Pelister“ организираше џип турнеја низ природните убавини на Битолскиот регион, како дел од програмата за одбележување на 4 ноември – Денот на ослободувањето на Битола. Учесниците имаа можност да уживаат во предизвикувачките терени и впечатливите пејзажи на Пелистер, со што уште еднаш беше истакната туристичката и рекреативната вредност на регионот.

Градоначалникот на Битола, Тони Коњановски, истакна дека ваквите активности го промовираат активниот туризам и го приближуваат природното богатство на општината до граѓаните и посетителите. Според него, Пелистер и неговите патеки се идеален простор за љубителите на авантурите и рекреативните спортови.

Настанот привлече голем број учесници и поддржувачи, а организаторите најавуваат дека вакви турнеи ќе продолжат и во иднина, со цел дополнително зајакнување на туристичката понуда на Битола.

Република

Лишени од слобода две лица од дебарско, поднесена кривична пријава за „грабнување“ и „полов напад и силување“

ОВР Струга поднесе кривична пријава против А.Л.(26) од дебарското село Џепиште, поради постоење основи на сомнение дека ги сторил кривичните дела „грабнување“ и „полов напад и силување“, како и против Е.В.(18) од дебарското село Отишани, поради постоење основи на сомнение за сторено кривично дело „грабнување“. Тие на 06.11.2025 околу 19 часот, во село во дебарско, од куќниот двор насилно внеле 30-годишна жена во патничко возило „ауди“, кое го управувал Е.В. и се упатиле кон напуштен објект во близина на Струга, каде А.Л. физички ја нападнал, а оштетената паднала во бессознание, по што тој ја силувал.

Потоа, го повикал Е.В. и со возилото ја однеле во Општата болница во Струга. Сторителите се пронајдени и лишени од слобода, по што против нив е поднесена кривична пријава.