ОВР Дебар поднесе кривична пријава против четири лица од Дебар – В.П. (35) со престој во САД, Ф.П. (29), Р.П. (34) и А.П. (32) – поради сомнение дека сториле кривично дело „предизвикување општа опасност“ согласно член 288 од Кривичниот законик.
Според полицискиот билтен, инцидентот се случил на 1 август 2025 година за време на семејна веселба во куќа покрај Дебарското Езеро, каде пријавените неовластено пукале со огнено оружје и ја загрозиле безбедноста на присутните гости.
При преземените мерки во координација со јавен обвинител, полицијата го лишила од слобода Ф.П., кај кого бил пронајден и одземен пиштол марка „Магнум“. При претрес по судска наредба во куќата сопственост на Б.П. и А.П., биле пронајдени и одземени уште два пиштола – „Стејр“ и „Глок“.
Од жената А.П. бил одземен пиштолот „Глок“ со 34 куршуми. Сите четворица ќе се соочат со соодветни кривични постапки.
