Тетовец обвинет за узурпација: Заградил државна парцела и ја користел како паркинг

Секторот за внатрешни работи Тетово поднесе кривична пријава против 53-годишниот Н.Х. од Тетово поради постоење основи на сомнение за „узурпација на недвижности“.

Според истрагата, пријавениот во село Сараќино, тетовско, заградил катастарска парцела во државна сопственост и ја користел како паркинг за свои автомобили.

Против него ќе следи постапка пред надлежното обвинителство, а полицијата продолжува со проверки за слични случаи на незаконско користење на државно земјиште.

Скопјанец приведен по закани со пиштол во угостителски објект

На 06.11.2025 во 16:15 часот, полициски службеници од СВР Скопје го лишија од слобода И.С.(32) од Скопје, по претходна пријава од вработен во угостителски објект.

Според пријавата, околу 13:35 часот, И.С. извадил пиштол, го репетирал и им се заканувал на вработените, по што го напуштил објектот. При преглед кај него биле пронајдени и одземени бела грутчеста материја, бела прашкаста материја, таблети и пиштол на дијаболи.

По целосно документирање на настанот, ќе следува соодветен поднесок.

Црна Хроника

Скопјанец пријави семејно насилство – сопругата и синот го нападнале

На 06.11.2025, во 18:30 часот во СВР Скопје, 66-годишен маж од Скопје пријавил дека околу 14:00 часот бил физички нападнат во семејниот дом на подрачјето на Центар од неговата сопруга Ј.А.(51) и неговиот син.

Полицијата презема мерки за целосно расчистување на случајот.

Црна Хроника

Татко и син од осомничени за лихварство – заработиле над 700.000 денари од заем

На 06.11.2025, полициски службеници од ОВР Кавадарци ги лишиле од слобода Н.С.(59) и неговиот син Р.С.(34) од Кавадарци поради сомнение за кривично дело „лихварство“ по член 260 од Кривичниот законик.

Според пријавеното, во јуни 2023, 71-годишен жител на Неготино позајмил околу 80.000 денари од нив со договор за враќање од по 20.000 денари неделно. Поради неплаќање на обврските, Н.С. и Р.С. постојано му пресметувале камата и го зголемувале долгот, па на крајот оштетениот исплатил над 700.000 денари.

По издадена судска наредба, полицијата извршила претрес во домот на осомничените, при што биле пронајдени предмети поврзани со делото. Известен е јавен обвинител, а по целосно документирање на случајот ќе биде поднесена соодветна пријава.