Македонскиот анимиран филм „Златната пеперутка“, со препознатливите ликови Биби и Боби, ја освои престижната награда MIA Development Award for Outstanding Animation Project на MIA Mercato Internazionale Audiovisivo (Меѓународен Аудиовизуелен Пазар) 2025 во Рим, Италија.
Филмот е во режија на Гоце Цветановски и претставува копродукција меѓу Македонија, Аргентина, Бразил, Колумбија и Шпанија. Проектот е поддржан од студијата Македонска крепост, Светот на Биби, Toon Motion Studios, Blurr Stories, Technoscope Films и The G7, што ја потенцира интернационалната соработка зад овој анимиран хит.
