Македонија

Алиу би вовел задолжителни токсиколошки проверки за лекарите, но не знае дали е изводливо по закон

Министерот за здравство Азир Алиу изјави дека лично поддржува воведување на законска обврска за токсиколошки проверки на сите лекари, по скандалозната видео-снимка на директорот на Клиниката за неврологија, Игор Кузмановски, на која тој меша бела прашкаста материја и вели дека зема „само чисто бело“.

Алиу посочи дека не е сигурен дали ваква мерка може правно да се дефинира во моменталните измени на 12 здравствени закони.

„Правно не знам дали тоа може да се дефинира. Јас би сакал, како министер за здравство, да има таков член во законот, но не можам да кажам во кој точно закон и дали тоа може да се формулира. Лично сметам дека треба да постои уште една институција која ќе го проверува и тој аспект, покрај стручноста“, изјави Алиу.

Разрешениот директор Кузмановски, според информациите, од март годинава работел со истечена лиценца. Алиу нагласи дека повеќе комисии — меѓу кои Лекарската комора и Државниот санитарен и здравствен инспекторат — веќе утврдуваат дали и какви прегледи вршел Кузмановски во тој период.

Министерот најави и техничко решение за спречување на вакви случаи во иднина — во системот „Мој термин“ ќе се внесе рокот на лиценцата, а лекарите со истечена лиценца нема да можат да се логираат.

Алиу потврди дека за в.д. директор на Клиниката за неврологија е назначен Јован Божиновски, специјалист невролог и асистент на Медицинскиот факултет во Скопје. Божиновски најави формирање на две интерни комисии кои ќе спроведат внатрешен стручен надзор на работата на поранешниот директор во изминатите 12 месеци.

Македонија

ВЛЕН: ДУИ/НАИ се обидува да го продаде поразот како „реформа“

Од коалицијата ВЛЕН денеска излегоа со остра реакција, обвинувајќи дека ДУИ/НАИ не ја разбрале казната што ја добиле од гласачите на локалните избори.

Според ВЛЕН, нивната коалиција освоила 10 општини и со тоа „ја затвори вратата за измамите, ПР триковите и пропагандата“ што, според нив, ја одржувале ДУИ во живот со години.

„Но, наместо да размислуваат, сега се обидуваат да го продадат неуспехот како ‘реформа’“, се вели во соопштението.

Од ВЛЕН посочуваат дека ДУИ прво се обидела да ги протолкува локалните избори како парламентарни, што не им успеало.

„Сега, истите луѓе што се удавија себеси лажејќи со ‘референдумот’, повторно се појавуваат како ‘преродени’. Блерим Беџети се прогласува ‘реформа’, додека Бујар Османи зборува за ‘рекалибрирање’, како да заборавиле Албанците кои се тие што ја претворија државата во сопственост на една клика. Ова не е реформа, тоа е политички состав на мртва партија“, се вели во реакцијата.

Од ВЛЕН заклучуваат дека ДУИ/НАИ се „поглавје што Албанците го затворија со гласање“.

„Тие можат да ги променат своите зборови, но не и својата судбина. Народот им го одзеде политичкиот кислород и ниту ‘рекалибрирањето’ ниту ‘анализата’ не можат да ги вратат во живот. Нивната ера е завршена. ВЛЕН е иднината што Албанците веќе ја избраа“, заклучуваат од коалицијата.

Македонија

МВР издало 150 опомени – Мобилен на пешачки премин ќе ве чини 40 евра

МВР наскоро ќе започне со изрекување казни за пешаците кои користат мобилен телефон додека ја преминуваат улицата. Периодот на информирање за новите измени во Законот за безбедност во сообраќајот е при крај, а досега, на територијата на Скопје, полицијата издала 150 предупредувања.

Според новите законски измени, казната за пешак кој користи телефон на уво или во рака додека преминува пешачки премин изнесува 40 евра. Дополнително, ако возите тротинет, мотор или трактор додека користите електронски уред, казната ќе биде 50 евра.

Од МВР појаснуваат дека мерките се воведуваат по завршување на периодот на информирање и дека граѓаните треба да се запознаат со новите одредби за да се избегнат прекршоците.

Македонија

Подгответе се за продолжен викенд – Ова е последниот за 2025

Следен и последен неработен ден е 8 декември – што е и последен продолжен викенд годинава.

Согласно со Законот за празниците на Република Македонија (Сл.весник на РМ број 21/98 и 18/07) во 2025 година неработни денови се:

За сите граѓани на РСМ

1 јануари (среда), Нова Година,
7 јануари (вторник), Божик, првиот ден на Божик според православниот календар,
30 март (недела), Рамазан Бајрам, првиот ден на Рамазан Бајрам, односно 31 март (понеделник) е неработен ден,
21 април (понеделник), Велигден, вториот ден на Велигден според православниот календар,
1 мај (четврток), Ден на трудот
24 мај (сабота) „Св. Кирил и Методиј“- Ден на сесловенските просветители,
2 август (сабота), Ден на Републиката,
8 септември (понеделник), Ден на независноста,
11 октомври (сабота), Ден на народното востание,
23 октомври (четврток), Ден на македонската револуционерна борба,
8 декември (понеделник), “Св. Климент Охридски”.