Македонија

Анкета на М-Проспект за Булевар.мк: За која партија ќе гласаат граѓаните на локалните избори

ВОВЕД И МЕТОДОЛОГИЈА

Анкетата е спроведена за потребите на Булевар.мк од страна на М-Проспект. Податоците се собирани во период од 1 до 8 октомври 2025 година преку телефонска анкета (CATI).

Примерокот вклучува 995 испитаници и е национално репрезентативен за полнолетната популација. Истиот е подготвен согласно податоците од Пописот од 2021 година од Државниот Завод за Статистика.

Примерокот е повеќестепен стратификуван примерок, репрезентативен според пол, возраст, етничка припадност и место на живеење (регион и урбан/рурал). Општините се примарни единици на примерокот и се одбрани преку веројатност пропорционална на големина.

Домаќинствата се бирани по случаен избор на телефонски број, каде на фиксни броеви е користен методот “Следен роденден” за избор на испитаник, а на мобилни броеви анкетата е спроведувана со оној кој се јавува.

Маргина на грешка е +/- 3 со ниво на доверба од 95%

Бројките во графиконите и табелите може да не се соберат до 100 проценти поради заокружување.

ПЕРЦЕПЦИИ ЗА СОСТОЈБИТЕ ВО ЗЕМЈАТА

ИЗБОРИ

Македонија

ВЛЕН: ДУИ/НАИ се обидува да го продаде поразот како „реформа“

Од коалицијата ВЛЕН денеска излегоа со остра реакција, обвинувајќи дека ДУИ/НАИ не ја разбрале казната што ја добиле од гласачите на локалните избори.

Според ВЛЕН, нивната коалиција освоила 10 општини и со тоа „ја затвори вратата за измамите, ПР триковите и пропагандата“ што, според нив, ја одржувале ДУИ во живот со години.

„Но, наместо да размислуваат, сега се обидуваат да го продадат неуспехот како ‘реформа’“, се вели во соопштението.

Од ВЛЕН посочуваат дека ДУИ прво се обидела да ги протолкува локалните избори како парламентарни, што не им успеало.

„Сега, истите луѓе што се удавија себеси лажејќи со ‘референдумот’, повторно се појавуваат како ‘преродени’. Блерим Беџети се прогласува ‘реформа’, додека Бујар Османи зборува за ‘рекалибрирање’, како да заборавиле Албанците кои се тие што ја претворија државата во сопственост на една клика. Ова не е реформа, тоа е политички состав на мртва партија“, се вели во реакцијата.

Од ВЛЕН заклучуваат дека ДУИ/НАИ се „поглавје што Албанците го затворија со гласање“.

„Тие можат да ги променат своите зборови, но не и својата судбина. Народот им го одзеде политичкиот кислород и ниту ‘рекалибрирањето’ ниту ‘анализата’ не можат да ги вратат во живот. Нивната ера е завршена. ВЛЕН е иднината што Албанците веќе ја избраа“, заклучуваат од коалицијата.

Македонија

МВР издало 150 опомени – Мобилен на пешачки премин ќе ве чини 40 евра

МВР наскоро ќе започне со изрекување казни за пешаците кои користат мобилен телефон додека ја преминуваат улицата. Периодот на информирање за новите измени во Законот за безбедност во сообраќајот е при крај, а досега, на територијата на Скопје, полицијата издала 150 предупредувања.

Според новите законски измени, казната за пешак кој користи телефон на уво или во рака додека преминува пешачки премин изнесува 40 евра. Дополнително, ако возите тротинет, мотор или трактор додека користите електронски уред, казната ќе биде 50 евра.

Од МВР појаснуваат дека мерките се воведуваат по завршување на периодот на информирање и дека граѓаните треба да се запознаат со новите одредби за да се избегнат прекршоците.

Македонија

Подгответе се за продолжен викенд – Ова е последниот за 2025

Следен и последен неработен ден е 8 декември – што е и последен продолжен викенд годинава.

Согласно со Законот за празниците на Република Македонија (Сл.весник на РМ број 21/98 и 18/07) во 2025 година неработни денови се:

За сите граѓани на РСМ

1 јануари (среда), Нова Година,
7 јануари (вторник), Божик, првиот ден на Божик според православниот календар,
30 март (недела), Рамазан Бајрам, првиот ден на Рамазан Бајрам, односно 31 март (понеделник) е неработен ден,
21 април (понеделник), Велигден, вториот ден на Велигден според православниот календар,
1 мај (четврток), Ден на трудот
24 мај (сабота) „Св. Кирил и Методиј“- Ден на сесловенските просветители,
2 август (сабота), Ден на Републиката,
8 септември (понеделник), Ден на независноста,
11 октомври (сабота), Ден на народното востание,
23 октомври (четврток), Ден на македонската револуционерна борба,
8 декември (понеделник), “Св. Климент Охридски”.