Во рамките на мојот престој во Лондон остварив средба со Неговото Кралско Височество, Кралот Чарлс III, информираше денеска премиерот Христијан Мицкоски, кој заедно со владина делегација е во работна посета на Обединетото Кралство.
„Средбата беше искрена и содржајна. Разговаравме за пријателството помеѓу Македонија и Обединетото Кралство, за стабилноста, развојот и заштитата на природата, области на кои Кралот со години им посветува големо внимание. Оваа средба е признание и почит, но и поттик да продолжиме по патот на заедничките вредности, довербата и партнерството, се вели во Фејсбук објавата на премиерот Мицкоски.
Во рамките на Берлинскиот процес што го организира премиерот Кир Стармер, Мицкоски посочи дека има повеќе средби насочени кон економска и инфраструктурна стратешка соработка со Обединетото Кралство.
