Времето денеска ќе биде променливо облачно со повремени локални врнежи од дожд, кои прво ќе ја зафатат западната половина на земјата, каде се очекува дождот да биде пообилен и пороен, со можност за грмежи. Ќе дува умерен југоисточен, а во западните делови повремено засилен ветер од југозападен правец.
Минималните утрински температури ќе се движат од 6 до 12 степени, а максималните дневни ќе достигнат меѓу 16 и 22 степени.
Во Скопје времето ќе биде променливо облачно со повремени врнежи, особено во текот на ноќта. Ќе дува умерен југоисточен ветер, со температури од 11 до 19 степени.
Во текот на ноќта и во понеделник претпладне, врнежите ќе се прошират низ целата земја и на места ќе бидат поинтензивни, со појава на пороен дожд и грмежи. Локално, особено во западните делови, се очекува количината на врнежи да надмине 30 литри на квадратен метар.
Од вторник врнежите ќе ослабат и ќе бидат со послаб интензитет, а во продолжение на неделата се очекува стабилизирање на времето и постепен пораст на дневните температури.
