Црна Хроника

ПОЛИЦИСКА АКЦИЈА ВО ТЕТОВО – МВР со детали

На 01.11.2025 година во 13:10 часот во Тетово на ул. ,,Преспанска“ во Тетово, полициски службеници од СВР -Тетово, согласно судска наредба, извршиле претрес во берберница, која ја користи Б.Л.(21) од Тетово, кој не бил присутен. Претресот е извршен во присуство на Х.А.(23) од Тетово, кој е син на сопственикот на куќата, при што се пронајдени и одземени, марихуана сместена во повеќе пакувања, 2000 празни ќеси, дигитална вага и пиштол „Зораки“ калибар 9 мм со една празна рамка во пиштолот.

По целосно расчистување и документирање на случајот, против Б.Л. ќе биде поднесена соодветна пријава.

Црна Хроника

ВИДЕО: Пожар во Стара чаршија во Скопје

На социјалните мрежи се појави видео од пожар во еден од објектите во Скопската Стара чаршија. На снимките се гледа огнената стихија и интервенција на противпожарните екипи.

Засега нема потврдени информации за повредени лица, а причините за пожарот се во тек на утврдување. Граѓаните се повикуваат да се држат подалеку од местото на настанот и да ги следат инструкциите на службите.

Видеото може да го погледнете тука

Црна Хроника

Младо момче и девојка нападнати со нож и ограбени во Градскиот парк

Во вечерните часови вчера во Скопје се случил страшен инцидент во Градскиот парк. Две непознати лица, под закана со остар предмет, ограбиле 13-годишна девојка, а потоа едно од нив го нападнало нејзиниот 14-годишен другар кој бил со неа.

Според полицискиот билтен, родителот на девојката, И.М. (55) од Скопје, пријавил дека неговата ќерка била нападната околу 19:00 часот. Полицијата веќе презема мерки за пронаоѓање и санкционирање на сторителите.

Случајот ја шокира јавноста и ја отвора дискусијата за безбедноста на децата во јавните простори на главниот град.

Црна Хроника

Две лица со закана одзеле пари од филијала за брзи кредити во Скопје

На 3 декември околу 18:40 часот, две лица извршиле разбојништво во филијала на финансиско друштво за брзи кредити на подрачјето на Кисела Вода во Скопје.

Според пријавата во СВР Скопје, осомничените со закана кон вработената одзеле пари и се оддалечиле од местото на настанот.

Полицијата извршила увид на местото на настанот и започнала истрага за утврдување на идентитетот на сторителите и пронаоѓање на одземените средства.