Република

Проданоски: Со гордост и благодарност го одбележуваме 3 Ноември – Денот на ослободувањето на Прилеп

Со положување свежо цвеќе и оддавање почит пред спомениците на народните херои, во Прилеп утрово започна одбележувањето на 3 Ноември – Денот на ослободувањето на градот. Градоначалникот Дејан Проданоски истакна дека овој ден е симбол на слободата, непокорот и заедништвото, вредности кои Прилеп ги негува и пренесува на новите генерации.

„Со гордост и благодарност го чествуваме еден од најзначајните датуми во историјата на нашиот град. Денес им оддаваме почит на борците кои ја вградија својата жртва во темелите на нашата слобода. Прилеп ќе продолжи да го негува споменот на своите херои и да ја пренесува пораката на слободата и единството,“ рече Проданоски.

Во рамки на програмата, беше посетен и традиционалниот уметнички и хуманитарен хепенинг организиран од Ротари клубот Прилеп, на кој уште еднаш беше потврдено дека духот на солидарноста и хуманоста е длабоко вкоренет во прилепската заедница.

Празнувањето продолжува вечерва со свечени активности – откривање на ѕвезда во чест на Коста Смилески на Арт Плоштадот, како и свечената седница на Советот на Општина Прилеп во НУЦК „Марко Цепенков“, каде ќе бидат доделени традиционалните општински награди „3 Ноември“.

„Да го одбележиме овој ден со гордост, достоинство и љубов кон нашиот град. Честит празник, Прилеп!“, порача градоначалникот Проданоски.

Република

Магистралниот пат Струмица – Ново Село привремено затворен по сообраќајка

Сообраќајот на магистралниот пат А4, од Струмица кон Ново Село, е целосно прекинат поради сообраќајна несреќа.

„Од 14:10 часот сообраќајот на магистралниот пат А4, Струмица – Ново Село (пред влезот за Ново Село) е во целосен прекин поради случена сообраќајна незгода“, информираат од АМСМ.

Дополнителни детали за несреќата ќе бидат објавени од МВР во текот на денешниот или утрешниот ден.

Република

Коњановски: Џип турнеја низ Пелистер во чест на Денот на ослободувањето на Битола

Клубот „Offroad Pelister“ организираше џип турнеја низ природните убавини на Битолскиот регион, како дел од програмата за одбележување на 4 ноември – Денот на ослободувањето на Битола. Учесниците имаа можност да уживаат во предизвикувачките терени и впечатливите пејзажи на Пелистер, со што уште еднаш беше истакната туристичката и рекреативната вредност на регионот.

Градоначалникот на Битола, Тони Коњановски, истакна дека ваквите активности го промовираат активниот туризам и го приближуваат природното богатство на општината до граѓаните и посетителите. Според него, Пелистер и неговите патеки се идеален простор за љубителите на авантурите и рекреативните спортови.

Настанот привлече голем број учесници и поддржувачи, а организаторите најавуваат дека вакви турнеи ќе продолжат и во иднина, со цел дополнително зајакнување на туристичката понуда на Битола.

Република

Лишени од слобода две лица од дебарско, поднесена кривична пријава за „грабнување“ и „полов напад и силување“

ОВР Струга поднесе кривична пријава против А.Л.(26) од дебарското село Џепиште, поради постоење основи на сомнение дека ги сторил кривичните дела „грабнување“ и „полов напад и силување“, како и против Е.В.(18) од дебарското село Отишани, поради постоење основи на сомнение за сторено кривично дело „грабнување“. Тие на 06.11.2025 околу 19 часот, во село во дебарско, од куќниот двор насилно внеле 30-годишна жена во патничко возило „ауди“, кое го управувал Е.В. и се упатиле кон напуштен објект во близина на Струга, каде А.Л. физички ја нападнал, а оштетената паднала во бессознание, по што тој ја силувал.

Потоа, го повикал Е.В. и со возилото ја однеле во Општата болница во Струга. Сторителите се пронајдени и лишени од слобода, по што против нив е поднесена кривична пријава.