Една 31-годишна жена од Неготино е повредена во физичка пресметка што се случила рано утринава во градот.
Како што соопшти СВР Велес, тепачката избувнала околу два часа по полноќ на улицата „Даме Груев“, а во инцидентот учествувале четири жени: 34-годишната Б. Џ. и 31-годишната С. Д. од една страна, и 26-годишната С. К. и повредената 31-годишна Д. Б. од друга.
Повредената Д. Б. била пренесена во медицинска установа каде ѝ биле констатирани повредите. Од СВР Велес информираат дека по целосно документирање на случајот против сите учесници ќе бидат поднесени соодветни пријави.
