Црна Хроника

Лажна дојава за бомба го испразни училиштето во Радовиш: Приведена 40-годишна жена

Полицијата поднесе кривична пријава против 40-годишна жена од Радовиш, со живеалиште во Скопје, осомничена дека испратила лажна дојава за бомба во основно училиште во градот. Настанот се случил на 29 октомври, во раните утрински часови.

Според истрагата, осомничената преку новоотворена електронска адреса на „Гугл“ и користејќи сопствен мобилен телефон испратила заканувачка порака на службениот мејл на училиштето, во која тврдела дека во зградата има поставено експлозивна направа.

Пораката предизвикала сериозна паника. Училиштето било веднаш евакуирано, а тимови за антитерористичка проверка извршиле детална претрага. По извршените проверки, било утврдено дека експлозивна направа не постои.

Истражителите преку следење на електронски траги и IP адреси го откриле изворот на пораката и ја идентификувале осомничената. По прибирање на доказите, Одделот за сузбивање на организиран и сериозен криминал и Секторот за компјутерски криминал до скопското обвинителство поднеле пријава за кривично дело „лажно пријавување на кривично дело“.

Црна Хроника

ВИДЕО: Пожар во Стара чаршија во Скопје

На социјалните мрежи се појави видео од пожар во еден од објектите во Скопската Стара чаршија. На снимките се гледа огнената стихија и интервенција на противпожарните екипи.

Засега нема потврдени информации за повредени лица, а причините за пожарот се во тек на утврдување. Граѓаните се повикуваат да се држат подалеку од местото на настанот и да ги следат инструкциите на службите.

Видеото може да го погледнете тука

Црна Хроника

Младо момче и девојка нападнати со нож и ограбени во Градскиот парк

Во вечерните часови вчера во Скопје се случил страшен инцидент во Градскиот парк. Две непознати лица, под закана со остар предмет, ограбиле 13-годишна девојка, а потоа едно од нив го нападнало нејзиниот 14-годишен другар кој бил со неа.

Според полицискиот билтен, родителот на девојката, И.М. (55) од Скопје, пријавил дека неговата ќерка била нападната околу 19:00 часот. Полицијата веќе презема мерки за пронаоѓање и санкционирање на сторителите.

Случајот ја шокира јавноста и ја отвора дискусијата за безбедноста на децата во јавните простори на главниот град.

Црна Хроника

Две лица со закана одзеле пари од филијала за брзи кредити во Скопје

На 3 декември околу 18:40 часот, две лица извршиле разбојништво во филијала на финансиско друштво за брзи кредити на подрачјето на Кисела Вода во Скопје.

Според пријавата во СВР Скопје, осомничените со закана кон вработената одзеле пари и се оддалечиле од местото на настанот.

Полицијата извршила увид на местото на настанот и започнала истрага за утврдување на идентитетот на сторителите и пронаоѓање на одземените средства.