Рускиот претседател Владимир Путин изјави дека состанокот со американските пратеници Стив Виткоф и Џаред Кушнер бил „многу корисен“, нагласувајќи дека разговорите се надоврзуваат на предлозите кои претходно ги дискутирал со претседателот Доналд Трамп на средбата во Алјаска, пренесе РИА.

Според Путин, разговорите се одолговлекле бидејќи Виткоф инсистирал детално да ги разгледа речиси сите точки од американскиот предлог за кој биле задолжени претставниците на Вашингтон.

Тој додаде дека во процесот за украинско мировно решение е важно да бидат вклучени европските земји, но истакна дека нивната улога треба да остане ограничена и да не се претвори во мешање во самите преговори.

Сезонските модели на Severe Weather Europe укажуваат дека претстојната зима во Европа ќе биде поблага од вообичаеното, со температури од нормални до надпросечни во првата половина на декември, под влијание на западни и југозападни воздушни струења. Овој распоред ја блокира навремата пенетрација на студен воздух од север.

Според просечната снежна прогноза на ECMWF за периодот декември–јануари–февруари, најголемиот дел од континентот ќе има помалку снег од вообичаеното. Снежните врнежи се повлекуваат кон подалечните северни области, иако во некои централни и западни региони има минимални подобрувања споредено со прогнозите од претходниот месец. Новите податоци покажуваат и нешто повеќе снег во делови од Велика Британија и Ирска.

Декември

За декември се очекуваат негативни аномалии во снежните врнежи низ Европа, освен на далечниот север. Изненадувачки е што и повисоките планински региони ќе добијат помалку снег, што укажува дека главниот проблем е недостигот на врнежи, а не високите температури.

Јануари

Во јануари не се предвидуваат значајни подобрувања. Моделите покажуваат помалку снежни врнежи за најголемиот дел од континентот, освен некои југоисточни региони и северните делови каде се очекува локално зголемување на снежниот покривач.

Февруари

Февруарската прогноза покажува мал, но сепак видлив напредок во однос на јануари. Иако врнежите остануваат под просекот, тоа не значи дека снег нема да има — туку дека неговите количини ќе бидат пониски од вообичаено, со изолирани, краткотрајни снежни епизоди.

UKMO, долгорочниот модел на британската метеоролошка служба, дава слична слика. Според нивните анализи, Европа влегува во зима со подпросечни снежни врнежи, освен на крајниот север. Иако традиционално UKMO е помалку оптимистичен во однос на снегот, најновите податоци покажуваат подобра состојба во споредба со минатомесечните прогнози, што делумно се поврзува со актуелното стратосферско затоплување.

Severe Weather Europe ја базира својата долгорочна анализа на два водечки системи — ECMWF и UKMO, кои се меѓу најпрецизните глобални модели за метеоролошко прогнозирање.

Германскиот „Шпигел“ објави протечен транскрипт од телефонски разговор меѓу неколку европски лидери, во кој францускиот претседател Емануел Макрон наводно предупредил дека САД би можеле да ја „предадат“ Украина со новиот мировен план од 28 точки што го предлага Вашингтон.

Во разговорот, според „Шпигел“, учествувале Макрон, германскиот канцелар Фридрих Мерц, генералниот секретар на НАТО Марк Руте, финскиот претседател Александар Стуб, украинскиот претседател Володимир Зеленски и други високи претставници.

Макрон, како што се наведува, изразил страв дека САД би можеле да извршат притисок за територијални отстапки од страна на Украина, без јасни безбедносни гаранции. Тој оценил дека тоа би претставувало „голема опасност“ за претседателот Зеленски.

Според истиот транскрипт, германскиот канцелар Фридрих Мерц бил уште поостар во коментарите, наведувајќи дека американските пратеници Стив Виткоф и Џаред Кушнер „играат игри“ и со Европа и со Украина. Мерц истакнал дека Зеленски треба да биде „исклучително внимателен“ во наредниот период, откако двајцата пратеници од Вашингтон имале долга средба со рускиот претседател Владимир Путин.

Од Кабинетот на Макрон за „Шпигел“ изјавиле дека претседателот „не ги употребил тие зборови“, додека портпаролот на Мерц за „Политико“ нагласил дека канцеларот по правило не потврдува ниту коментира содржини од вакви разговори.