Градоначалникот на Скопје, Орце Ѓорѓиевски, истакна дека на градските гробишта мора да владеат достоинство и ред, бидејќи тие се места на спомен, почит и тишина, а не на неред и запуштеност.
„Секој од нас има таму некој близок и затоа непријатни глетки и депонии не смеат да се дозволат“, порача Ѓорѓиевски.
Тој информира дека пред неколку дена била отстранета големата депонија на паркингот, а управата поставила заштитна ограда со цел да се спречат нови загадувања.
„Ќе продолжиме посветено да се грижиме“, заклучи градоначалникот, најавувајќи континуирани активности за одржување на чистота и ред на градските гробишта.
Видеото може да го погледнете тука
