Црна Хроника

Полицијата во акција – Запленети пари и дрога

Полициски службеници од Единицата за недозволена трговија со дрога при СВР Скопје денеска уапсија лице од Скопје поради поседување и трговија со наркотични средства.

На улицата „Христо Татарчев“ во скопска Кисела Вода, при легитимирање и преглед на С.М. од Скопје, биле пронајдени марихуана, дигитална вага и поголема сума на пари. При дополнителен преглед на неговото патничко возило „Фолксваген“ со скопски регистарски ознаки, полицијата открила поголема количина марихуана.

Со судска наредба бил извршен и претрес во домот на С.М., при што во подрумска просторија биле пронајдени големи количини марихуана и две дигитални ваги.

Осомничениот е лишен од слобода, а јавен обвинител е известен за случајот. По целосно документирање, против С.М. ќе биде поднесен соодветен поднесок до надлежното обвинителство.

Црна Хроника

Камион изгоре во Косевица, пожарот навреме локализиран

09.12.2025 – Територијалната противпожарна единица од Македонска Каменица денеска интервенираше на запален товарен камион во селото Косевица.

На местото на настанот реагираа две противпожарни возила со тројца пожарникари. Според извештајот од единицата, пожарот навреме бил локализиран и изгаснат, со што било спречено негово понатамошно проширување.

Во инцидентот нема повредени лица, а причините за пожарот дополнително ќе се утврдуваат.

Црна Хроника

Полицијата во Тетово со полни раце работа – Уапсени пет лица

На 08.12.2025 во 15:45 часот на ул.,,Иво Рибар Лола“ во Тетово, полициски службеници од СВР Тетово ги лишија од слобода Ѓ.С.(38) и Б.З.(19), двајцата од Тетово, за тоа што кај нив е пронајдена и одземена марихуана. По документирање на случајот, ќе следува соодветен поднесок.

На 08.12.2025 во 20:00 часот на локален пат во с.Глоѓи, тетовско, полициски службеници од Полициското одделение Теарце го лишија од слобода А.Ф.(24) од с.Теарце, тетовце. При контрола на патничко возило ,,опел“ со тетовски регистарски ознаки, кое го управувал, и при преглед над него, пронајдена и одземена е марихуана. А.Ф. е задржан во полициска станица и по документирање на случајот против него ќе следува соодветен поднесок.

На 08.12.2025 во 19:20 часот на регионален пат Тетово-Скопје, полициски службеници од Полициското одделение Групчин го лишија од слобода М.И.(25) од с.Палатица затоа што кај него е пронајдена и одземена марихуана. Тој е задржан во полициска станица и по документирање на случајот против него ќе биде изготвен соодветен поднесок.

На 08.12.2025 во 18:25 часот во с.Једоарце, тетовско, полициски службеници од Полициското одделение Теарце го приведоа А.Н.(19) од с.Џепчиште затоа што кај него е пронајдена и одземена марихуана. Тој е задржан во полициска станица и по документирање на случајот ќе му биде изготвен соодветен поднесок.

Црна Хроника

Агресивен и пијан: Со 3,66 промили се судрил со полицијата

Велес – Росоманец беше приведен од полицијата поради агресивно однесување кон полициски службеници, при што се утврди дека имал 3,66 промили алкохол во крвта.

Секторот за внатрешни работи – Велес соопшти дека вчера околу 15:40 часот полициски службеници од ОВР – Кавадарци го лишиле од слобода Т.Н.(46) од Росоман. Агресивното однесување се случило додека полицајците извршувале службени дејствија.

По приведувањето, лицето било задржано во полициска станица, а против него ќе биде поднесена соодветна пријава откако ќе се документира настанот.