Црна Хроника

Детали за Кривична пријава против Блерим Беџети

Управата за финансиска полиција поднесе кривична пријава против поранешниот градоначалник на Општина Сарај, Блерим Беџети, и уште седум други лица – поранешни службеници од Општина Сарај и Град Скопје, како и еден надзорен инженер.

Пријавените се товарат за злоупотреба на службена положба и овластување, несовесно работење во службата и фалсификување или уништување на деловни книги, соопшти Финансиската полиција.

Според истрагата, осомничените службени лица, иако знаеле дека за катастарската парцела КП 10405/6 КО Сарај не постои донесен детален урбанистички план, сепак изготвиле и одобриле извод од план и одобрение за градба со невистинита содржина. Покрај тоа, биле направени и пресметки за надоместок за уредување на градежно земјиште спротивно на законските прописи, додека надзорниот инженер извршил технички преглед и изготвил извештај со неточни податоци.

Со овие постапки, како што стои во соопштението, пријавените му овозможиле на правното лице „Азра Идриз“ ДООЕЛ од село Глумово, Скопје – Сарај да се стекне со противправна имотна корист во износ од 108.638.840 денари.

Кривичните пријави се поднесени до Основното јавно обвинителство – Скопје.

Црна Хроника

ВИДЕО: Пожар во Стара чаршија во Скопје

На социјалните мрежи се појави видео од пожар во еден од објектите во Скопската Стара чаршија. На снимките се гледа огнената стихија и интервенција на противпожарните екипи.

Засега нема потврдени информации за повредени лица, а причините за пожарот се во тек на утврдување. Граѓаните се повикуваат да се држат подалеку од местото на настанот и да ги следат инструкциите на службите.

Видеото може да го погледнете тука

Црна Хроника

Младо момче и девојка нападнати со нож и ограбени во Градскиот парк

Во вечерните часови вчера во Скопје се случил страшен инцидент во Градскиот парк. Две непознати лица, под закана со остар предмет, ограбиле 13-годишна девојка, а потоа едно од нив го нападнало нејзиниот 14-годишен другар кој бил со неа.

Според полицискиот билтен, родителот на девојката, И.М. (55) од Скопје, пријавил дека неговата ќерка била нападната околу 19:00 часот. Полицијата веќе презема мерки за пронаоѓање и санкционирање на сторителите.

Случајот ја шокира јавноста и ја отвора дискусијата за безбедноста на децата во јавните простори на главниот град.

Црна Хроника

Две лица со закана одзеле пари од филијала за брзи кредити во Скопје

На 3 декември околу 18:40 часот, две лица извршиле разбојништво во филијала на финансиско друштво за брзи кредити на подрачјето на Кисела Вода во Скопје.

Според пријавата во СВР Скопје, осомничените со закана кон вработената одзеле пари и се оддалечиле од местото на настанот.

Полицијата извршила увид на местото на настанот и започнала истрага за утврдување на идентитетот на сторителите и пронаоѓање на одземените средства.