Жена од Пехчево се соочува со кривична пријава откако на конкурс за директор на основно училиште приложила фалсификуван сертификат за познавање англиски јазик.
Надворешната канцеларија за криминалистички работи Берово поднесе пријава против Д.Ј. (57) поради сомнение за кривично дело „фалсификување исправа“. Според информациите од МВР, документот бил подметнат со цел кандидатката незаконски да биде избрана на раководната функција.
Случајот е пријавен во билтенот на Министерството за внатрешни работи и продолжува да се истражува.
