Google ќе го укине Google Assistant на повеќето Android уреди почнувајќи од почетокот на следната година, како дел од планот за замена на гласовниот помошник со новата вештачка интелигенција Gemini.

Google Assistant, лансиран во 2016 како конкурент на Apple Siri и Amazon Alexa, ќе биде надграден со Gemini, кој ќе се користи и на таблети, автомобили, слушалки, часовници и паметни куќни уреди. Новиот систем ќе овозможува природно гласовно управување и исти команди како претходниот помошник.

Google исто така претстави Gemini Home AI за паметни куќни уреди, а новиот Google Home Speaker се очекува во пролет 2026. Google Assistant ќе остане активен до март 2026, по што корисниците ќе бидат целосно префрлени на Gemini.

Претходно услугата се викала Bard, но беше ребрендирана во Gemini почетокот на 2024, кој сега покрива и AI модели и домашни уреди.

И покрај поефикасните процесори, подобрените батерии и напредните системи за управување со енергијата, батеријата на смартфоните и понатаму брзо се празни – најчесто поради начинот на кој ги користиме уредите.

Апликации во позадина

Најголеми „скриени“ потрошувачи се апликациите што работат во позадина – социјални мрежи, фитнес-тракери, па дури и тастатури. Проверете во Поставки > Батерија кои апликации трошат најмногу енергија и ограничете ја нивната позадинска активност. Намалете ја и автоматската синхронизација кај мејлови, календари и облак-сервиси.

Екранoт – најголемиот потрошувач

Осветлувањето и високата стапка на освежување значително го скратуваат траењето на батеријата. Користете адаптивна светлина наместо рачна и ограничете го освежувањето на 60Hz кога не играте игри. Темниот режим е особено ефикасен кај OLED екрани, бидејќи исклучува дел од пикселите и штеди енергија.

Паметно полнење

Современите телефони нудат функции за заштита на батеријата кои го забавуваат полнењето над 80% за да се намали долгорочното оштетување – вклучете ја оваа опција. Користете полнење со кабел кога можете и избегнувајте честo брзо полнење, освен кога сте во итност.

Со внимателни поставки и неколку навики, батеријата може да трае значително подолго без разлика на моделот на телефонот.

Компанијата го обвинува 16-годишниот тинејџер за трагедијата, тврдејќи дека неправилно го користел ChatGPT.

Компанијата OpenAI соопшти дека не е одговорна за смртта на 16-годишното момче од Калифорнија, тврдејќи дека тинејџерот „погрешно го користел“ ChatGPT и дека четботот повеќе пати го упатувал кон итни линии за помош, додека семејството тврди спротивно и го тужи технолошкиот гигант поради наводен пропуст во безбедносните механизми.

Во тужбата, родителите наведуваат дека момчето водело долги, емоционално тешки разговори со ChatGPT за своите самоубиствени мисли, при што четботот наводно давал конкретни совети за методи на самоубиство, вклучувајќи детални инструкции, но и „поддршка“ во идејата да не им каже на родителите за своите проблеми. Според адвокатите на семејството, четботот дури помогнал и во составувањето на последното писмо.

OpenAI возврати на критиките од семејството, тврдејќи дека 16-годишникот погрешно го користел ChatGPT и дека неговата трагична смрт е негова сопствена вина.

Компанијата во судските документи наведува дека момчето веќе имал историја на ментални кризи пред да го користи ChatGPT, и дека разговорите со ботот често вклучувале препораки да побара стручна помош. OpenAI инсистира дека ChatGPT не е дизајниран да ја замени терапијата и дека корисниците секогаш добиваат предупредувања кога разговорот преминува во чувствителни теми.

Сепак, тужбата тврди дека OpenAI во изминатата година повеќе пати ги менувал интерните насоки за тоа како четботот треба да реагира на содржини поврзани со самоповредување – наводно во насока на „поголем ангажман на корисникот“, а не на построги безбедносни ограничувања. Адвокатите на семејството сметаат дека токму таквиот пристап довел до фатален исход.

Стручњаците предупредуваат дека овој судски процес може да има далекусежни последици за начинот на кој компаниите ги развиваат и контролираат големите јазични модели на вештачка интелигенција.