Црна Хроника

Притвор за македонец осомничен за серија кражби во Подгорица

Основното државно обвинителство во Подгорица одреди мерка притвор од 72 часа за српски државјанин Е.Х. и македонски државјанин Б.С., осомничени дека во текот на ноември извршиле серија тешки кражби со провала во угостителски, комерцијални и други деловни објекти на територијата на Подгорица.

Според обвинителството, Е.Х. влегувал во објектите и земал пари, додека Б.С. ја обезбедувал околината. По кражбите, двајцата ја делеле противправно стекнатата имотна корист.

Против Е.Х. дополнително се води постапка поради сомневање за фалсификување документи. При апсењето, кај него биле пронајдени важечки документи од Србија, но и сомнителни странски документи. Исто така, било утврдено дека по него е распишана меѓународна потерница.

Двајцата осомничени се приведени поради ризик од бегство, информираат од ОДТ Подгорица.

Црна Хроника

Апсење на скопскиот аеродром – МВР со детали

На Граничниот премин „Меѓународен аеродром Скопје“ на 5 декември во 18:40 часот бил приведен 38-годишниот Д.Ј. од Куманово. При рутинска гранична контрола, полициските службеници утврдиле дека лицето се води со мерка „апси“ по барање на Секторот за меѓународна полициска соработка – Одделение за потраги Куманово.

По лишувањето од слобода, Д.Ј. бил предаден на полициски службеници од СВР Куманово, кои го спровеле во КПУ Затвор Куманово.

Црна Хроника

Двајца пијани возачи фатени за една ноќ во Тетовско – еден со речиси 2 промили!

На 07.12.2025 во 02:00 часот, полициски службеници од Полициската станица за безбедност на патниот сообраќај Тетово, на регионалниот пат Тетово- с. Јажинце, во с.Лешок, го лишија од слобода Д.Т.(54) од с.Ратае. При контрола во патниот сообраќај, полициските службеници сопреле патничко возило „фиат пунто“, кое Д.Т. го управувал, и по преземени мерки било констатирано дека е под дејство на алкохол, односно измерени му се 1,96% промили алкохол во крвта.
Исто така, во 02:40 часот на регионален пат Тетово-с.Волковија, во с.Брвеница, полициски службеници од Полициската станица за безбедност на патниот сообраќај Тетово го лишија од слобода Н.С.(40) од с.Брвеница. При контрола во патниот сообраќај, полициските службеници сопреле патничко возило „мерцедес“, кое Н.С. го управувал, и по преземени мерки било констатирано дека е под дејство на алкохол, односно измерени му се 1,63% промили алкохол во крвта.
Тие биле задржани во полициска станица и по документирање на случаите ќе им бидат изготвени соодветни поднесоци по член 297- а ,,безобзирно управување на моторно возило”.

Црна Хроника

Тепачка на кејот во Струга: приведени двајца млади

Во петокот околу 12:50 часот, на кејот „Борис Кидрич“ во Струга, пред угостителски локал била пријавена тепачка во која учествувале двајца млади — 21-годишен стружанец и 18-годишно лице од селото Радолишта.

Инцидентот го нарушил јавниот ред и мир, а полицијата веднаш интервенирала на местото на настанот. Од МВР информираат дека случајот е евидентиран и дека по целосно документирање на сите околности ќе биде поднесена соодветна пријава против учесниците во тепачката.