Црна Хроника

Пиштол репетиран во семеен конфликт: пет лица пријавени

СВР Скопје поднесе кривични пријави против пет лица од Скопје поради насилен инцидент што се случил на 25 октомври 2025 година во селото Средно Коњари. Според полицијата, групата физички нападнала жител на селото и неговиот малолетен внук, при што бил употребен тврд предмет, а еден од напаѓачите репетирал пиштол кон возрасниот оштетен.

Против И.Ќ. (54) е поднесена пријава за кривичните дела „насилство“ и „неовластено изработување, држење, посредување и тргување со оружје или распрскувачки материи“, бидејќи токму тој го насочил и репетирал оружјето.

А.Ќ. (26), А.Ќ. (28) и Е.Ќ. (62) се пријавени за сторено кривично дело „насилство“, додека А.Ќ. (71) се товари за „насилство врз дете“, бидејќи во нападот бил инволвиран и малолетник.

Полицијата го документирала случајот и пријавите се проследени до надлежното обвинителство за понатамошна постапка.

Црна Хроника

Полицијата во Тетово со полни раце работа – Уапсени пет лица

На 08.12.2025 во 15:45 часот на ул.,,Иво Рибар Лола“ во Тетово, полициски службеници од СВР Тетово ги лишија од слобода Ѓ.С.(38) и Б.З.(19), двајцата од Тетово, за тоа што кај нив е пронајдена и одземена марихуана. По документирање на случајот, ќе следува соодветен поднесок.

На 08.12.2025 во 20:00 часот на локален пат во с.Глоѓи, тетовско, полициски службеници од Полициското одделение Теарце го лишија од слобода А.Ф.(24) од с.Теарце, тетовце. При контрола на патничко возило ,,опел“ со тетовски регистарски ознаки, кое го управувал, и при преглед над него, пронајдена и одземена е марихуана. А.Ф. е задржан во полициска станица и по документирање на случајот против него ќе следува соодветен поднесок.

На 08.12.2025 во 19:20 часот на регионален пат Тетово-Скопје, полициски службеници од Полициското одделение Групчин го лишија од слобода М.И.(25) од с.Палатица затоа што кај него е пронајдена и одземена марихуана. Тој е задржан во полициска станица и по документирање на случајот против него ќе биде изготвен соодветен поднесок.

На 08.12.2025 во 18:25 часот во с.Једоарце, тетовско, полициски службеници од Полициското одделение Теарце го приведоа А.Н.(19) од с.Џепчиште затоа што кај него е пронајдена и одземена марихуана. Тој е задржан во полициска станица и по документирање на случајот ќе му биде изготвен соодветен поднесок.

Црна Хроника

Агресивен и пијан: Со 3,66 промили се судрил со полицијата

Велес – Росоманец беше приведен од полицијата поради агресивно однесување кон полициски службеници, при што се утврди дека имал 3,66 промили алкохол во крвта.

Секторот за внатрешни работи – Велес соопшти дека вчера околу 15:40 часот полициски службеници од ОВР – Кавадарци го лишиле од слобода Т.Н.(46) од Росоман. Агресивното однесување се случило додека полицајците извршувале службени дејствија.

По приведувањето, лицето било задржано во полициска станица, а против него ќе биде поднесена соодветна пријава откако ќе се документира настанот.

Црна Хроника

Обид за криумчарење на рекордна количина дрога од Албанија – полицијата го спречи!

Струмица – Македонската полиција навремено го спречи обидот за криумчарење на над 60 килограми марихуана, која од Албанија требала да влезе во Македонија. Ова е уште еден доказ дека криминалот на македонската граница нема шанси за успех.

Акцијата е реализирана благодарение на максималната посветеност и контрола на колегите од Регионалниот центар Запад, а успехот е резултат на 18-месечната инвестиција во обуки, модернизација на капацитетите и развој на човечкиот потенцијал на полициските структури.

Полицијата истакнува дека македонската граница треба да остане најнепосакуваната рута за криминалните организации и дека целата држава останува решена да се спречи секое прекугранично криминално дејствие.